ishq (panjabi).............

jadon ishq kisi to hona ai

wad o wad zehr da piyala peena ai

muk jandi ai gal  sari

hun sari umr da rona ai

bas gai hanju ankan vich

syapay vich  hun sanu  rehna ai

ird gird teri yadon ko basa rakha hey.........

shab e tanhai ney ji ko jala rakha hey
tujh sey milney main akhir kia maza rakha hey

qurbat e yaar ki tamana hi rahi dil main
til til tarepna apni hi saza rakha hey

dedar e yaar ki khatir soo mushkilain jhailen
sehmey sey dil main tujh ko chupa rakha hey

derd sey taluq mera jura hey jab sey
jheel si ankhon mey samander saja rakha hey

ariz ki lali sunati hey fasana sub ko
ird gird teri yadon ko basa rakha hey

soch shab e ghum  manaun to manaun kesey
jabeen ko der pey terey hi jhuka rakha hey

behtey hway galon pey inka hisab rakhun kesey.....................

zndiagi ashk si bani chali jati hey
moj e rawan main behti chali jati hey

behtey huway galon pey inka hisab rakhun kesey
gham e mohabat main hasti si mitthi chali jati hey

naseb ka apney matam kia kerun main
her ik lamha haathon  sey cheenthi chali jati hey

zakhm e adawat to lamha ka sukh chaat chuka
aas e merham main bhatakti chali jati hey

zehr phaila hey jism o jaan main ab her soo
talash abb e hayat ki chalti chali jati hey

lafz e mouhabat sey wasta nahen raha ab to mera.......

zakhmon ko hans ker logo kuraidtey kiun ho
dikha ker pewand e mohabat aag bherkatey kiun ho

lafz e mouhabat sey wasta nahen raha ab to mera
tilsam is nagri ka dil mey jagatey kiun ho

naam hey duja ishq ka,faraib e hasti
sham e ghazl perh perh key isko sajatey kiun ho

roshni dekh key bhi dil jalta hey mera
taq e dil pey rakhey diyay jalatey kiun ho

kirchyan bhikri hasti ki samaitun kesey
chun chun kalyan haar ab protey kiun ho

ley key sath tanhyian phr chal parey............

 .

uthey bazm_e_yaraan  sey nikal parey ansu
do qadm chaley aur lerkhara key gir parey

unki nigah_e_karam ki arzu hi rahi dil main
ley key sath tanhyian phr chal parey

tarasti ruh ko umeed thi abr_e_baraan ki
dekh key sehra,kiun pani key liyay machal perey

nafrat ki nigah sey dekha jo usney ham ko
aariz pey ansu lamhon main lurakh parey

.

chamakti zindagi key ham ney kab khawb dekhey they.........

 .

beyirada hi jurm_e_mohabat ker bethey they
chamakti zindagi key ham ney kab khawb dekhey  they

kathnayun aur pagdandyun sey bherpur they rastey
rah_e_wafa main bohut phr paltey azab dekhey they

ik khalqat ney tehra diya gunah gar ham ko
umer_e_natawan hi main ujertey shabab dekhey they

they thekish key teer jitney,istmal kiyay sab ney
nishaney they jitney bhi sab laajawb dekhey they

kia qatl  bhi us ney berey piyar sey mujh ko
biktey ham ney phir sarey apney hamraz dekhey they

armanon ko mjh main jaga ker asani sey so gaya wo
taazeest lash_e_wafa main phir kafnaai jazbat dhekhey they

.

beykarari bhara dil tu jism sey ley jata............

 .

bad qatel key merey jo tu muskra jata
gwahi ko teri  phr sara sheher mer jata

fariafta hwey teri adai_e_dilberi key ham
wadey kiyay jo,koi aik hi nibha jata

hansi ko teri,piyar ka rang samjha ham ney
kaash udhuri zaat main meri tu sama jata

yadain teri hain makeen merey dimagh ki
jatey samey ruuh meri tu sath ley jata

hamsafar ban key yun ker dia tanha tu ney
beykarari bhara dil tu jism sey ley jata

.

lab_e gor hain kaffan hi pehney gey safaid......

 .

ruh piyasi hey jazbon ki barsat ker do na
sisakti hey zindagi apni,rangon sey bher do na

bad agahi_e_qurbat jhatak diyay hath merey
daman mera khiltey gulon sey bherpur ker do na

ik sans ka rishta jura hey ruh sey ab mera
muqader sey chimti siyahi ko  dur ker do na

chara ger samajh ker aitbar ker liya jis per
niyat sey futur ko apni  minha ker do na

lab_e_gor hain kaffan hi pehney gey safaid
chalaktey ansuwon ko lashey pey merey gira k amar ker do na

.

silsala yeh jana kab tak unhi chaley ga...........

 .

silsala yeh jana kab tak unhi chaley ga
rutha sajan mujh sey kab aan miley ga

din raat guzertey hain jis beykali main
basti_e_dil  main kab mehekta gull khiley ga

chah main teri kab tak safar kerain janhan ka
diyar_e_mehboob ka pata akhir kab chaley ga

zakhm sey nasur bantey dair naheen lagti
dukhon key sagher main khushi ka diaa kab chaley ga

.

ik chehrey pey kai chehrey sajey hain dunya key...

 .

nafrat si ho gai is beywuqat zindagi sey
janey kia sila miley ga is bandagi sey

siaah raton ki tanhaai sey lagta hey der
bujhi bujhi  si rehti hun is sharmindagi sey

ik chehrey pey kai chehrey sajey hain dunya key
daaman bachaon kesey kisi ki darindagi sey

a bhi jao ger faraib_e_ulfat mey kabhi
bach key raho phr zamaney ki gandagi sey
 .
.

tujh ko chahney ka yeh sila mila hey mjuh ko...........

 .

tujh ko chahney ka yeh sila mila hey mjuh ko
chalney ka khizan raston pey hukum mila hey mjh ko

behtey ashkon ki rawani ko kia kahun mey
moj_e_rawan main behney ka hosla mila hey mujh ko

khojti hun tujh mey apney aks  ko kaheen
faqt ik machlta bilakta saya mila hey mujh ko

khudfarabi key sarey andaz muqeed hen mujh mey
derd_e_dil beykaran phir kiun mila hey mujh ko

.

hath aya bhi to zaat ka akela paan.....

 .

ghalti hoi jo baharon ka khawb dekha
dil angan mey masalta howa gulab dekha

sunsan nagri ki udas basi tehri
ankhyun sey,umer bher jhilmilata azab dekha

bin mosam bersat bani rahi muqadar mera
sulagtey lehjon  ka titharta mijaz dekha

hath aya bhi to zaat ka akela paan
piyar ki surat sisakta sarab dekha

.

ishq_e_gardab mey phans ker aina hi torr betehy......

 .

hajum_e_bekaran mey apna ap kho  bethey
na janey kis bey derd ko ham dil dey bethey

shakh_e_ umeed to ik din bhi na khil saki
sath gulon key khar sey daman bher bethey

fuzul hi tey kia safar_e_zeest ham ney
usko paney ki chah mey til til mer bethey

beysakuni si beysakuni palti rahi qalb mey
khawhish_e_aab mey bond bond ko taras bethey

mahjabeen hain,dilnasheen hain jantey hain ham
ishq_e_gardab mey phans ker aina hi torr bethey

.

khail ye khela jai zaruri to nahin....

 .

dil lutney ki khaber ho aam zaruri to nahin
piyar apna ho majbur zaruri to nahin

tamasha ho apna sar_e_bazar
khail yeh khaila jai zaruri to nahin

mil jai her ik ko apni manzil
her ik choo ley asman zaruri to nahin

sab hain apni zaruraton key qadi
bin musafat  thak jain zaruri to nahin

dhaidron derd ho penhaan dil main
 muskrahat saja lain lab pey zaruri to nahin

.

khun asham bani tamana si guzer gai................

 .

ik sham thi wo bhi guzer gai
nam per terey umer tamam guzer gai

beykhawbi si beykhawbi tari rahi hamesha
bina neend hi raat sari guzer gai

had_e_nazar andherey ka basera hi raha
umeed_e_kiran beysabab unhi guzer gai

alam_e_hijr ki takleef koi puchey to sahi
khun asham bani tamana si guzer gai

na janey kis jurm ki padash main
zindagi tamam saza si guzer gai

.