merey nanhey sey dil ko sab ki fiqar hey..

 .

merey nanhey sey dil ko sab ki fiqar hey
na sir pey baap na maa ki dua ka asar hey

main jeeti hun kistereh sey
yeh mera hi dil_o_jigar hey

hain ashaiyan aur tamanaiyan bikhri hui
bera beyasra sa mera chota sa ghar hey

sochti hun din raat jisko 
wo beykhaber,beyhis bohut hey

.

kahani key merkazi kirdar bilakhir ko ham nikley..

 .

awargi main wo bey had_o_hisab nikley
terkash sey uskey bey had phir teer kaman nikley

jankani ka aalam bana raha is dunya main
qatil  lehjey sey thitrey angar lafz nikley

alam_e_madhoshi phela hey yahan sey wahan talak
zakhm_e_dil behtey ,ristey bohut gehrey nikley

faraib_e_ulfat sey maar kha gai ham to
chootey hi usko dhukhun key phiseltey anbar nikley

tamashai bani hi rahi ik dunya to
kahani key merkazi kirdar bilakhir ko ham nikley

.

bab_e_ulfat key fasaney udhurey her janam nikley...

.
ishq ki galiyun key berey pach_o_kham nikley
phir howa kia,bey wafa hi bohut sanam nikley

ziker kia bhi na tha un sey dil ki adaon ka
ruh peh unki to berey gehrey zakham nikley

shehr_e_weran ki udasi ka na pocho sabab
adaiy_e_qatil rakh ker bhi wo bey rehem nikley

bawsbab_e_ulfat key fasaney udhurey her janam nikley
bab_e_ulfat key fasaney udhurey her janam nikley

.

derd e dil ki aziyat kabhi na dain gey tujh ko......

 .

dewangi_e_dil to rehti hey dukh ka sabab akser
toot key bhikhrey bhi kabhi ,sadaa na den gey tujh ko

rakhain gey dar khula ghar ka hamesha
dastak ki ijazat kabhi na dain gey tujh ko

roak lain gey ashk palkon ki noke per
daman kabhi apna bhigoney na dain gey tujh ko

kaat lain gey qaid_e_tanhai dunya main hi ham
derd e dil  ki aziyat kabhi na dain gey tujh ko.

.

ghamon sey phir gehri shanasaiyan bhi theen..

e.
tujh sey bichar ker zindagi main ruswaiyan bhi theen
zaat sey bhicherti sisakti  perchaiyan bhi theen

gunbad e zaat sey nikal ker kahan jatey
wujud sey chimti sehmi tanhaiyan bhi theen

dehektey angarey hi bachey daman main
jalti rakh main bujhi gehraiyan bhi theen

tarastey lab liyay kahan tak jatey
ghamon sey phir gheri shanasaiyan bhi theen

kanch lehjey sey uskey shanasai the,jab key
kareeb uskey bheri bazm araiyan bhi theen

.

ujalon ka zaiaqa to kabhi chakha bhi nahi....

 .

ham gum sum sey they kisi ney pucha bhi nahen
rehguzer sey jis guzrey kisi ney roka bhi nahen

sath jewan bitana to khawb tehra mera
murr ker kisi ney phir kabhi dekha bhi nahen

jitney they sitam,sab dhaa diyay us ney
gherey zakham per merham to phir rakha bhi nahen

dilasay deta ho gaya andhairon main gum
diyay ko umeed key taaq main phir rakha bhi nahen

andhairon ki adat ho gai hey mujh ko
ujalon ka zaiaqa to kabhi chakha bhi nahen

fasaney ki ibtida reh gai udhuri si
apni kahani ka anjam phir likha bhi nahen

.

kisi key janey sey zindagi men kami nahen hoti.......

.
tamanaiyan jal key khakster ho jain chahay
kisi key janey sey zindagi men kami nahen hoti

ik hi waqt nikal jain jab sarey ansu
ankhon main hamesha hi phir nami nahen hoti

gardish e ayyam chahey guzer jain choo ker
hamesha hi chehray peh gerd jami nehi hoti

oass pertey hi murjha gaiyen ashaiyen
dil ki rahguzer phir bhi shabnami nahi hoti

.