teri nigahon ka dilasa ho mujhey

.

hairut hey piyar hey hum ko jis sey
wo bohut dur bohut dur rehta hey

na janey kia hal ho is dil ka
jub tu ankhon key samney ai

char soo tery mekh hey phaily
her jaa tu hi tu nazr ai

tery nighon ka dilasa ho mujhey
jo tu duur sey mujh sey milney ai

ankhon sey chamaktey jugnu ruk jain
jo tera nam meray nam key sath ai
.

hum ney kia paya dil lagi ker key

.

dil ka durd pao gey wafa ker key
hum ney kia paya tajurba ker key

terey nam ka tauq hey galay main aj tuk
hum ney kia paya souda ker key

log suntey hain dimagh ki baat
hum ney kia paya dil lagi ker key

us ko malum hi nahen yeh shayad
haar gai hum pass_e_wafa ker key

shab_e_furqat sey jag rahey hain
hum ney kia paya us key nam zindagi busr ker key
.

nungey paon chulna sikha dia

.

aas ka dia jalaya tha main ney
tu ney phonk maar ker bujha dia

main to jalti hoi shama hun
bey awaz pighulana bata dia

hasrat_e_yar ka khawab dokha tha
nungay paon chalna sikha dia

zukhm_e_judai bharay ga key nahen
zinda reh key murna jata dia

nam suntey hain to tera sunbhal jatay hain
sunbhal ker us ney jeena sikha dia
.

baad mout key sukun sey so na sakun gi

.

teray seenay per sir rukh ker ro lungi
judai key ghum ko ansunun sey dho lun gi

etraz_e_wafa hey ya katil naseeb
milan per tujh sey tujhey khojh lon gi

tujey khush dekh ker khush hun main to
apney hisey ki khushyan bhi tugh sey jor lun gi

khairat main hi chund lumhay day day mujh ko
pulkon pey chumktey jugnun sey dil moh lon gi

yeh ghary to ub shayad aa na sakey
baad mout key sukon sey so na sukon gi
.

muhubat tu ik khusbu hey

.

koi kehta hey tunha hun main
tunhayun main tu sath hey hota

purukhna mut mujhey tum
purukhna khuch acha nahen hota

muhabut to ik khusbu hey
is key hotey koi tenha nahen hota

log sumjhatey hain tum dour ho mujh sey
dour janey sey koi dour nahen hota

sathi to mil jain gey tum ko bohut
her koi merey jasa nahen hota
.

mujh ko lugta hey tu sudyon sey soya nahen

.

aas ka dia jo tu ney thamaya tha hath main
main ney is pul ko to jia hi nahen

wo pul wahen thum gaya hey
tu ney merey sath koi supna sunjoya nahen

aa mil key is pul ko ji lain
mujh ko lugta hey tu sadyon sey soya nahen

log aaj bhi chand kehtey hain mujh ko
main ney zameen sey to koi rung liya hi nahen

pai hey main ney ishq ki wo munzil
jahan tu mujh sey alug hota hi nahen
.

shoq_e_deedar main chehra gulabi kertey

.

ishq main bhi hum kia kia zindagi kertey
zindagi jeetay khawab basr tera kertay

kerna ata gur izhar hum ko
khamoshi main bhi guftugu kertay

jo tu aa jata achanak sey
shok_e_dedar main chehra gulabi kertay

tu jo hath burhata meri janib
ghur chor teray dil main ujala kertay

jo tu keh dey key mera hey
sawan chor dhoop nazara kertey

zindagi main shamil ho jai tu gur
nainaan chor jabeen sujda kertey
.

ishq main hum ney kia kia dekha

.

ishq main hum ney kia kia dekha
khushi dekhi na koi jaam dekha

had_e_intizar ka pulra khali hey ub
pyaa dekha na koi pyaam dekha

teri turuf nazar uthai to
kissa dekha na koi fasan_e_anjam dekha

jis teer_e_nazr se ho gai ghail
muchalta jazba dekha na gul_e_baam dekha

tasawur ka nager abad tha tujh sey
gull dekha na koi gulzar_e_aam dekha

chor dia meri nugri ko tu ney
tujhey subeh dekha na sir_e_sham dekha
.

tujh ko kho ker ishq ki bazy haar gai

.

main thuk gai hoon ub jeetey jeetey
ghut key reh gai hoon her waqt rotey rotey

ruh pey perey bojh ki thuken berh gai hey
bina neend key oobh gai hoon sotey sotey

terey wujud ki mehek hey mujh main ub tuluk
jeewun beet gaya unhi khotey khotey

tera khawb busr kerney ki adut hey mujh ko
yunhi mer jaon gi yeh bojh dhotey dhotey

tujh ko kho ker ishq ki bazi haar gai
sir_e_bazar lut gai yunhi rotey rotey

tery yadon ka khumar utra nahen ub tuluk
anchul phut gaya hey bohut dhotey dhotey
.

jub sey tu gaya hey door mujh sey

.

jub sey tu gaya hey door mujh sey
apney ap sey bichur gai hun main

juda ho key bhi tu mujh main jeeta hey is turha
pulkon ko pyar ho gaya ho ansuwon sey jasey

ruh main atkey kanton ki adat si ho gai hey
sudyon per muheet ho gai kun judai

ehd_o_peyman ki to aadut nahen tujhey
phir kia kia munzer yaad dilaon tujhey

teri yaaad mehektey gulab hain merey lyay
kisi aur ki yaad ko ruh main jagaon kisterh

anmol hain terey sath guzarey lumhey
zindagi main kisi aur asasey ki zarurat naheen mujhey

aas ki door thamey heyran hon momo
tu chor gaya kis asani sey door dais mujhey
.

terey janey key baad zindagi ko jia nahen

.

tujhey mujh sey piyar hey yeh janti hoon sunum
yeh aur bat hey key tu ney jataya nahen kabhi

jub sey tu gaya hey meri zindagi sey
bund ankhon sey main soi naheen kabhi

kisi sey piyar kerna kia khata hey meri
tera naam main ney kisi sey liya nahen

zindagi to lugney lugi hey ub ik saza
terey janey key baad zindagi ko jia nahen kabhi

haal_e_dil kisi sey kahain hum ub to kia
teri sada ko shayud ghor sey suna nahen kabhi
.

i love u

.

tujh sey piyar kia tha main ney
yeh meri ik bary bhool tha

tu piyar kerta hey mujh sey
uski nishani sirf ik phool tha

tumam umer unhi ganwa di main ney
mera kia is main kusoor tha

kabhi i love u tu keh day mujh sey
mera yeh sochna hi fuzul tha
.

merey dil ki awaz tu sunta kun nahen

.

merey dil ki awaz tu sunta kun nahen
terey sath dil kabhi jhijhukta nahen

teri tasweer basi hey ankhon main
nainon sey meri ansu ab tupukta nahen

dil hey teri janib isterha sey khinchta
ub wo shayud jism main dhurukta nahen

akeley ub hum jiaian gey kisterha
kisi aur ki janib ub ji behekta nahen
.

main ik khuli kitab hoon

.

main ik khuli kitab hoon
saaf suthra sa ik baab hoon

tu jo perhney ki koshish kerey mujh ko
asany sey sumujh aney wala saaz hoon

merey chehrey ki tehrer nazr ai gi kesey
ansowun sey mita howa nisab hoon

meri wuqat ka jo ho jai andaza tujh ko
terey chehrey pey pera howa niqab hoon
.

meri doobti nao ko kinara dey do

.

merey ghar main andhaira hey bohut
mujhey thora sa ujaala dey do

merey liyay to ik taara hi kafi hey
main ney kub kaha asman sara dey do

main to shikusta dil hoon bohut
apni muzboot banhon ka sahara dey do

main tunha khuri hoon sahil pey
meri doobti nao ko kinara dey do

muhabbat dum tour rahi hey mujh main
mujhey zindagi ki tum naveed dubara dey do

tu mera ho jai achanuk sey
meri ankhon ko yeh haseen nazara dey do
.

ik maan key batun sey

.

ik maan key batun sey hotey hain kai buchey
hotey nahen wo sub hi achey

maan ki turbiyut ho jati hey bey asar
fitrut latey hain khud apney sath buchey

koi keena purwar,fitna saz aur saada
dhongi bun jatey hain sarey buchey

sadgi key subub fana ho jata hey bucha saada
apni auqat dikha jatey hain sarey buchey

makan bunta nahen kabhi ghur akhir
idhur udhur bikhur jatey hain sarey buchey
.

ik shukhs ki khatir chor dain dunya sari

.

kitney hi hum ney rafaquton key wastey diyey
us ko na yad a saki purani muhabbat

aj yeh kesi beybasi hey
per rahi hey bhulani hum ko muhabbat

gai waqton key zukhum bhurey hain abhi
kisi sey kia burhayin gey muhabbat

us ney subuk purhaya diya hey asa
kisi ko kesey sikhayin muhabbat

ik shukhs ki khatir chor dain dunya ko
kia asi hoti hey muhabbat

subhi munzur bukhair diyay us ney
nufraton key saiye main kia punupti hey muhabbat
.

khamoshi sey bikhurna sekh gai hoon

.

khamoshi sey bikhurna sekh gai hoon
ghut ghut key jina sekh gai hoon

zindagi main ai jitney tufan sarey
toot key bikhurna sekh gai hoon

chakna chur huway hain khawb sarey
lumhon main ujerna sekh gai hoon

bey zubani ko meri kumzori na sumjho
bey awaz lurna sekh gai hoon

durd_e_dil ko ley ker jaon kahan
bina juzbat key jeena sekh gai hoon

gunbed_e_zaat main hi mukeem hoon main
lashey ko kandhey pey uthana sekh gai hoon
.

thama ker kashkol hath main

.

thama ker kashkol hath main
kaha,bheek mangti raho umer bhur

kia yehi us ka pyar hey
phir ziker nahen kiya din bhur

beybasi ka apni kia matum kerun
pulkon ki chilmun per ansu nahen ai raat bhur

fiqr_o_faqey ka dukh sawar hey zehen per
qubr main bhi apna hisa na ho guz bhur
.

main to hun ik shama

.

main to hun ik shama
gird perwaney hain kitney

julna mera naseeb tehra
isi bat per fasaney kitney

kash tum pass ho merey
arman dil main jagey hain kitney

tu chand hey merey angun ka
chand main bhi dagh hain kitney

teri qurbuton per naaz hey mujh ko
lagtey ho phir bhi anjaney kitney
.

ishq hi mout apni janaa

.

teri deed ki pyaas main janaa
nuzrain fursh_e_raah hain janaa

ishq hi zindagi apni
ishq hi mout apni janaa

dil hey tera deewana
dil ki dhurkun tujh sey janaa

teri zaat sey milta hey suror
ho gaya bara kamal janaa

nadan bun ker miley tujh sey
yahi hey humari shararut janaa

teri rafaqaton ki talash hey
kub mitain gi yeh tanhaiyan janaa
.

mana key wo khafa hey mujh sey

.

mana key wo khafa hey mujh sey
kehta kun naheen phir mujh sey

ruuh main shamil hon main uger
jhugerta kun naheen phir mujh sey

nufrut hey meri surut sey gur
dour rehta kun naheen phir mujh sey

deta hey sadayin mujhey
juda hota kun naheen phir mujh sey

.

mera buchpun kahan gaya

.

mera buchpun kahan gaya
jo key mujhey mila naheen

gudey guryon ka khail khail
main ney kabhi khala naheen

mera buchpun khan gaya
jo key mujhey mila naheen

rait key gharondey banana
sikha nahen kismut ko manana

mera buchpun kahan gaya
jo key mujhey mila naheen

chupun chupai ka khail
main ney kabhi seekha naheen

mera buchpun kahan gaya
jo key mujhey mila naheen

masaib ki chuki main piss gai main
buchpun main hi borhi ho gai main

mera buchpun kahan gaya
jo key mujhey mila naheen

.

yak terfa ho ger ishq

.

ishq hey dimaghi khalal

pait jab hota hey khali

sab dhara reh jata hey

rozi roti ka ho chacker

sara nasha hawa ho jata hey

aiy nadan ashiqo

is alao main insan jal jata hey

yak terfa ho ger ishq

ik saza ban jata hey

jab badan hi sara jal jai

insan khak ho jata hey
.

kahan sey bohut sa derd liya

.

kisi ney pocha hey mujh sey
kahan sey bohut sa derd liya

main ney kaha hey us sey
rung main ney raat ka chura liya

munh mangi muradain naheen milti
dil main durd key siwa rukha hey kia

khali hey daman tung zameen
jaon kahan ,hey khula asman

lupati hey dukh ki dubez chader
zindagi main supnon ka zikr kahan

juzbat_o_arman hain sulgey howey
kahani main meri naya pun kahan

alag hey rut,ajnabi zamana
yahan koi apna kahan
.

kesi yeh zamaney ki riwayut hey

.

chahney waley akser bhool jatey hain
kesi yeh zamaney ki riwayut hey

pul main budul dataiy hain dil ki dunya
yeh anokhi khusarey ki tijarut hey

funa ho jain chahey is khail main
rehti phir bhi her ik ko shikayut hey

zukhum bhurta nahen phir umer bhur
yeh ajub dil ki hikayut hey

jogi bana phirta hey insan phir aksur
apney liyay jo bary nadamut hey
.

mehsus khusbu_e_zindagi kertey

.

bey fiqr hoti zindagi ager
mehsus khusbu_e_zindagi kertey

hijr kertey ya wasl kertey gawara
her haal main fiqr_e_bundagi kertey

jholi hey dukhon ka pulunda
mefil main kya zikr_e_shurmindagi kertey

bey lous mohubut milti gur dunya main
buser hum lutf_e_zindagi kertey

mehektey gul hotey gur dunya main
to hum zaib_e_tun zindagi kertey
.

terey lehjey ki khunuk yad hey mujh ko

.

char din ki chandni aur andheri raat thi
terey pyar main behr kaif bary anokhi bat thi

teri masihai key andaz they barey niraley
anjan logon main teri zat sey shanasai thi

terey lehjey ki khunuk yad hey mujh ko
faiz hasil logon main ik tujh tuk rasai thi

bey karari ka jo tu ney merey dil ko subuk dia
ik isharey per mairey dil ney chot khai thi

teri nuzron ney jo diya hey pyam mujh ko
terey chup rehney main bhi bary pazirai thi
.

gilla ker key mohubut ko ruswa nahen kertey

.

ruh per ik naya ghao laga hey
her bar naya khawb bun liya hey

khuch bhi na khaha tu ney mujh sey per
main ney her un khaha lufz sun liya hey

wafaon ka sila mangtey nahen kisi sey
terey andaz pey apna sir dhun liya hey

gilla ker key mohubut ko ruswa nahen kertey
hum ney bera hi mushkil rusta chun lia hey
.

merey khawb bunnneney key din guzer gaiy

e.

seeney pey lagey zakham ub to bher gaiy
merey khawb bunneney key din guzer gaiy

kun chahta hey merey zakhmon ko kuraidna
zindagi key haseen lamhat ub to guzer gaiy

teri banhon ka sahara ley ker kia kerun
beysakhyun key saharey jewan key din guzer gaiy

tu bat kerta hey meri tanhai ki
sargoshyun key mehektey din to sarey guzer gaiy

kesey tamuna kerun main terey sath ki
jab apney pyarey barey hi sir sey guzer gaiy
.

teri bey rukhi ney mar dia mujhey

.

teri bey rukhi ney mar diya mujhey
tu ney derd key siwa kia diya mujhey

terey liay to faqt yeh ik khail tha
ishq_o_ashqi key chaker ney rula diya mujhey

meri zat ko bakhsh diay ratjagey tu ney
is bey khawb zindagi ney thaka dia mujhey

merey jeney ko tu ney meri saza bana diya
zindagi jeney ka fan bhula diya mujhey

gilla ker key wafa ko tu ney ruswa ker diya
her bar ik naya zakham laga diya mujhey
.

pani ki ik ik bond ko

.

sakun ki ik rat ko taras gai hon main
ghamon ka bekaran samander ban gai hon main

sehra sehra khack chanti hon is terha
pani ki ik ik bond ko taras gai hon main

ruktey nahen ab ankhon sey behtey moti
ansowun key samander main doob gai hon main

dukh ki leher ney lapait main lya hey is terha
zindagi main apni hi hansi ko taras gai hon main

kisi key sawal ka kia jawab don ab
khud hi sawaliya nishan ban gai hon main

kisi ki dunya main shamil ho jaon kis terha
khud apney hi kafley sey bhicher gai hon main

.

diay ko pani sey jalaya nahen kertey

.

main pather hon ik bara bhari
pathuron sey sur takraya nahen kertey

mujh sey sabaq sekh lo tum
diay ko pani sey jalaya nahen kertay

main ney chaha teri khatir apna rang badalna
per packey rang kabhi utra nahen kertey

meri zaat main bapa hey ik saf_e_matam
to ghamon ko galey sey lagaya nahen kertay

aghosh_e_dunya main dukh ki leher hon main
khali bartan ko khabi kharkharaya nahen kertey

meri rooh main panhan hain bohut khamoshyan
kisi ki mujburyon ko dil sey lagaya nahen kertey

shajer sey bhichra howa pata hon main to
totay howey paton ko uthaya nahen kertey
.