sapnon ki kirchyaan chubhney lagti hain ankhon main..

.
khoon_e_dil sey naam un ka likh ker mitati hoon
barhaa yeh kertey howey phir thaak si jati hoon

sapnon ki kirchyaan chubhney lagti hain ankhon main
 akhir main tanha hi kun reh jati hoon

ruuh main gonjti siskyaan ho jati hain buland
phir apney aap ko kosney main lag jati hoon

chala kerti hoon main bhatki ruuh ki manind
apney aap sey phir kun chupney lag jati hoon

juda hota kun naheen zehn_o_dil sey merey
is ass  main phir zeher peenay lag jati hoon

.

meri waja sey her ik museebat khari hey..

.
ankhon main naami honton pey hansi hey
na janey dil main kun beykali hey

sab ilzam aa gaaiy hamarey sir
yeh konsey imtihan ki ghari hey

tum khush raho jahan bhi raho
zakhmon  main abhi tuk takleef bhaari hey

nasoor hey meri zaat is samaj key liyay
meri waja sey her ik museebat khari hey

dil key tootney ka na poocho ham sey
zindagi sari azmaishyon sey juri hey

.

main bhi kitni pagli hoon na..

.

main bhi kitni pagli hoon na....

bin jeewan key jeena chahoon

orrh key chunarya dhani

sang sajan key rehna chahoon

nagri apni chor key sari

dil ki basti basna chahoon

main bhi kitni pagli hoon na.....

sab rang chor key apney

kisi key rang main rangna chahoon

nindya apni chor key sari

us key khawb main basna chahoon

ruuh main chubhey kantey ley ker

us ki ruuh main samaana chahoon

main bhi kitni pagli hoon na.....

dukh apney chor key

khusyaan chunnana chahoon

chor andheri galyoon ko

ujala samaitna chahoon

chubhtey kantey chor key

kalyaan chunnana chahoon

main bhi kitni pagli hoon na.....

.

pehley kehtey hain apna phir tanha choor jatey hain..

.
tum kia jano zamanaa kesey berbad kerta hey
pehley kehtey hain apna phir tanha choor jatey hain

khuch zakham laga jatey hain asey gehraiy
zindagi bher key liyay naqqsh chor jatey hain

loh_e_dil per chor datey hain tehreer asi
apni yadoon ki perchayaan chor jatey hain

kis asani sey bhichar jatey hain ham sey
qismat main likhi tanhayaan chor jatey hain

ashyanaa jalaa daitey hain apney hi diyay sey
ruuh main chupi weeraniyan chor jatey hain

.

shokhyon ka ik jahaan abbad tha mujh main..

.
shokhyon ka ik jahaan abbad tha mujh main
ab sirf shokhyon key khyaal baqi hain

tum ney jo kantey chobhoaiy they kabhi
un key nishan ab tak baki hain

dil main jo arman kabhi paltaiy they
teri nazron key khumaar ab tuk baki hain

churyaan tu ney jo pehnayeen thi kabhi
ab terey hathon key lams wahan baqi hain

tu ney kiyay they jo waadey sath rehney key
dil main un key aakss abhi baqi hain

loota us ney mujh ko is qadar asani sey
mujh main ab sirf khaak key dhair baqi hain

.

sitamger ney ham per usool_e_sitamgari azmaiy they..

.
ham akaley hi manzil tak chalaiy aiy they
unhon ney sarey usool_e_dilbari azmaiy they

khushfehmi_e_mohabat thi ham ko janey kun
sitamgar ney ham per usool_e_sitamgari azmaiy they

had_e_zulm torey usnhon ney ham per
dekhney wo ham ko phir surssury aiy they

dey ker zakham ham ko azmaya bohut unhon ney
dainey phir ham ko tohfa_e_dard_e_shayri aiy they

isharaa diya ishq kerney ka ham ko
rehber loot ker ehsaan_e_rehbery kerney aiy they

.

apney ban key logg jald badal jatey hain..

.
apney ban key logg jald badal jatey hain
makeen sey pehley hi makan badal jatey hain

daam_e_ulffat main giraftar hon jin key
wohi chutkyon main kali ko masal jatey hain

mohtat kadmon sey gamzan houn manzil ki taraf
do kadam chal ker hi wo phisal jatey hain

lohe_e_dil per tehreer ho jinka naam hamaisha
dard_e_dil dey ker kis asani sey sunbhal jatey hain

.

bonus pey miley palon pey log jee liya kertey hain..

.
bonus pey miley palon pey log jee liya kertey hain
jeewan ho saza phir bhi kaat liya kertey hain

merey rub tu ney yeh din bhi mujhey dikhaya hey
lab pey ho mohur,dil main zakhum liyay ji liya kertey hain

apni beywuqati ka hey andaza mujh ko
nasoor ki terah wujod sey apney alug ker liya kertey hain

merey na honey sey kia faraq perta hey
buzm_e_yaar sey maar dhukey logg nikal diya kertey hain

khush naseebi key unhon ney itna socha mujh ko
dey ker zeher phir jeeney ka hukum diya kertey hain

rahey khush aur umer_e_khizr ho, yeh duwa hey meri
bey sahara bhi kisi aas pey ji liya kertey hain

.

apney mathey ki bindya azeez hey hamain..

.
ham ney baarha qismat azmai hey
soney ko chowa,badley main khaak pai hey

apney mathey ki bindya azeez hey hamain
terey naam ki bindya hamaisha mathey pey sajai hey

talabgaar they faqt piyaar key do boul key liyay tujh sey
to ney meri ruuh per kaari zarab lagai hey

khairaat  main piyaar ki nazar hi to mangi thi
khairaat choor tu ney to kaari thoker lagai hey

yaadain satati aur rulati hain bohut
in yaadon ney maan main bohut aag lagai hey

.

wo maat daita hey hamasha apni jaffa sey..

.
aiy loggo suntey hain badal jati hey taqdeer wafa sey
ham to usey baarha mang baithey khuda sey

naseeb to ham likhwa laeiy hain asman sey
wo maat data hey humaisha apni jaffa sey

uska pakka rang charha hey asa zaat per
na mitt saka wo bhary barsat sey

basa hey mujh main hamaisha sey is terha
nikalna bhi chahon nikelta naheen meri zaat sey

main khojti hoon apney main kami aur ghaltyaan
martaa hey humaisha wo kantoon bhari daal sey

shahyad baad marney key mairay mill jai usko chain
main jeena naheen chahti ab uskey hisaab sey

.

apni hi perchayoun sey derti hoon..

.
dil ki weeraniyon sey derti hoon
andhairi tanhayon sey derti hoon

tum muqqader azmaney ki baat kertaiy ho
main apnaiy aap sey derti hoon

tum ney dia hi kia hey  mujhey
apni ruswayon sey derti hoon

taan hey zukhmon sey choor
ruuh ki attaah gehrayon sey derti hoon

ishq kia hai,bura kaam to naheen
teri jhooti saffaiyon sey derti hoon

iimaan ho chukaa hey mutazalzal meraa
apni hi perchayon sey derti hoon

ab aur kia ujroon gi main
zamaney  ki tabahyon sey derti hoon

.

asaiy ishq sey baaz aiy hum to..

.
zakhm_e_ullfat khaiy howaiy hain
dunya bhar key sataiy howaiy hain

chonkta kun hey meraiy janaa
tujh sey dhoka khaiy howaiy hain

fasana_e_zindagi samujh sakey na hum
umer bhar ki chot khaiy howaiy hain

asaiy ishq sey baaz aiy hum to
ruuh peh apni ghao khaiy howaiy hain

ker dia zindagi ko khokla mairi
bazm_e_yaar sey maar khaiy howaiy hain

taraiy taswur sey abaad hey dil ki dunya
zeest sey thoker khaiy howaiy hain

.

sholoun sey badan jalta naheen..

.
waqt kabhi rukta naheen
yeh dil ab dehelta naheen

zakm_e_yaar sey saja hey dil
ruuh ka ghao ab bharta naheen

khailon chahey aag sey
sholoun sey badan jalta naheen

mehfilon main lagti hoon tanhaa
yeh dil ab sambhalta naheen

chalti hoon tapti raait per
chalon sey der lagta naheen

dhoop ka kia asar ho ga mujh per
sayaa bhi apna lagta naheen

raqeeb lagti hey dunya sari
siyahi_e_naseeb sey dil machalta naheen

.

meri neend aur mera chain luut gaya..

dil lagaya tha dil ki khoshi key liyay
dil key tukrey howaiy hazaar aur dil luut gaya

toota howa dil laiy key jaon kahan
sir jhukaya tha main ney sir hi luut gaya

dhondney nikli thi chain_e_dil apna
meri neend aur mera chain luut gaya

dil key luutney ki shikayat kis sey keron
basti basai aur apna hi ghar luut gaya

khoshi mili kum aur gham milaiy hazaar
ghamon main hi sab khuch luut gaya

dil ki kismat main naheen shayad koi khoshi
chain na paaya aur zaad_e_raah luut gaya

.

sans laina bhi is dunya main ik azab tha..

.
khawhishon key nager main ik jahan abad tha
band dareechon key pechey chupa ik khawb tha

mosam satatey rahey,yadain rulati raheen
sans laina bhi is dunya main ik azab tha

sapna tha teraiy sang umer bitaiyen
sapney porey hona mairey shahyad ik mazak tha

tu naheen mairey hath ki rekhaoun  ka muqadar
tooti phooti qiamat meri, iska jawab tha

bhar diyaiy tu ney ankhon main chamaktey sitarey
tera sath hona mairaiy sirf ik saraab tha

.

dekhon na kabhi zawal_e_yaar key kissaiy..

.
kho deti hoon humaisha zabt
sunti hoon jub jamal_e_yaar key kissaiy

chingari_e_ishq tabdeel hoti hey sholey main
dekhti hoon jub kamal_e_yaar key kisaiy

chand,sitaron ki hey kia wuqat
samney atey hain jub misaal_e_yaar key kissaiy

mangana chachti hoon khuda sey jub bhi khuch
rehtey hain zehen main sawal_e_yaar key kissaiy

dard_e_dil aur dard_e_jiggar hota hey paida
sochoon jub khiyal_e_yaar key kissaiy

hath ki lakeeron ko khurach daloon gi
likhey hon un main ger wisal_e_yaar key kissaiy

moat sey hamkinar ker dey ab mujh ko
dekhoon na kabhi zawal_e_yaar key kissaiy

.

tum akser jo khawabon main atey ho..

.
tum akser jo khawabon main atey ho
main tumhara naam lati hoon
phir holey sey muskurati hoon
aur thora sa gungunati hoon

tum tham lataiy ho bahon main....
main phir nazar uthati hon
thora sa sharmati hoon
tum dehrey say muskuratey ho
main thora sa ghabrati hoon
tumharey kandhaiy sey sir tikati hoom

tum lataiy ho mujhey banhon key ghairey main
phir dheraiy sey hanstey ho
mujhey galaiy lagatey ho
main sharmati hoon,muskurati hoon
udh khili kali ki terah lajaati hoon
mairey kanon main tum gungunatey ho
lab kholtey ho aur kehtey ho
main tum bin naheen reh sakta
main ji naheen sakta

mera hath mazbuti sey tham latey ho
tum akser jo khawbon main ataiy ho!!!!!!!!!!!!
main chahti hoon yeh khawb kabhi na totaiy
meri neend kabhi na roothaiy
main apni ankhon ko zour sey band kerti hoon
apney aap sey yeh kehti hoon
yeh sapna kabhi na tootaiy
tumhara maira sath kabhi na chootaiy
tum akser jo khawbon main ataiy ho!!!!!!!!!!!!

.

tarapti rahi deedar ko terey umer bhar..

.
dil jalta hey sham_o_seher mohabat ki aag main
dil main basi teri khuch wafain asi bhi theen

khaak ho gayeen tujh sey wabasta umeedain
teraiy sheher sey aney wali khuch hawain asi bhi theen

bholna bhi chaha per na bhool  pai tujh ko
tha dil majbor bohut,teri khuch adaiyan asi bhi theen

turapti rahi deedar ko teraiy umer bhar
dushmanon ney shahyad mujh ko khuch duwain asi bhi theen

door bhagti hoon lufz_e_mohabet sey ab main
teri mohabat sey hasil mujh ko khuch sazain asi bhi theen

.

tu meri ankhon ki gehrayon main basta hey..

.
tujh sey mohabet ker key kia paya main ney
ruswayon sey sirf maan ko jalaya main ney

dil ki weeran basti main tanha bhatakti hon
teraiy tasawur sey daman_e_dil ko behlaya main ney

tu meri ankhon ki gahrayon main basta hey
bin badal barsat ankhon ko rulaya main ney

maan angan teri yaad sey mehkta hey
bazm_e_ruuh ko kanton sey sajaya main ney

shehr_e_dil ki tanhayon main rehti hoon
weeraney ko gulistan_e_ishq banaya main ney

.

chilman sey lagey bathaiy hain shoq_e_deedar liyay..

.
chilman sey lagey bathaiy hain shoq_e_deedar liyay
kab uthey ga perda serbasta razon sey

dhoop ki tamazet ney badal diya rung apna
zooq_e_haya ney bitha rakha hey khamoshi sey

mehfil_e_shaboroz kesey guzer jati hey chup chap
dildari_e_dildar ki hamnawi ki umeed sey

arzuwain aur umangain shikesta dili per hain khatam
chaakey gireban chaak hey khoni arzuwon sey

sair hasil guftugu ki umeed hain laa yani yadain
dukh,deewangi kareeb ter hain roz_e_mehsher sey

shub_e_hijran main sung_e_raah honey ka hey yaqeen
wafa ka daman chohttaa naheen arzaan zindagi sey

.

ik faqt bab_e_ulfat na kisi ko perha sakey..

.
ik faqt bab_e_ulfat na kisi ko perha sakey
baqi to ham sub ko her jaam pila chukey

her koi chahta hey hamarey hath zeher peena
jin ko bulana chaha wohi na ghar aa sakey

ati hoshyari to khail khaltey bohut sey
apni hi paheli ko na ham khabi suljha sakey

zehr_e_muhabat,zehr_e_qatil hum kehlatey rahey
zindagi sey hi ghor undharey na hata sakey

punghaton,absharon,nadyon ko shor machatey suna
jawar bhaton key shor ko na ham daba sakey

zakhm_e_dil aur zakhm_e_jiger khuch asey miltey jultey hain
durd_e_dil ko apney hi na ham daba sakey

.

dil key shehar ki udas basi hun..

.
sarey mousam humain satatey hain
teri yadain humain rulati hain

shab_e_higraan main tara jo chamakta hey
hawain huamara maan jalati hain

dil key shehar ki udas basi hun
majmaiy mey mujh ko tanhayian behlati hain

dhoop ki majal naheen jalaiy mujh ko
milan ki khushyan mujh ko sulati hain

seher ho gi kabhi hamarey safar ki
yehi uljhanain humain satati hain

.

ashqi ker key to hum gham main beh gaiy..

.
koi charager naheen koi ghamgusar naheen
dil_e_beyqarar ko bhi ab milta qarar naheen

arzu_e_sehaar main zindagi ganwa di hum ney
tareeqi_e_shab chatney key koi asar naheen

ashqi ker key to hum gham mey beh gaiy
naseeb main shahyad likha ab piyaar naheen

manzil_e_seraab key pechay dortaiy rahey
yahan shahyad kisi ko yeh ahsas naheen

khudpasand aur khudnuma hain logg bohut
fiqr_e_maseehai ka koi ab jawaz naheen

ankh ter rahi aur lub piyassaiy
masoom maan ko behlana per asaan naheen

.

kati patang ki terha urtaiy phirtey hain hum..

.
zindagi alag alag dhun bajati hey
gham hamraiy daikh ker muskurati hey

her lamhey insan rehta hey khush gumman
khusfehmi dekh hamari phir ittrati hey

suur sarey zindagi key bujtey hain tarang main
khushi kam,gham_e_zamana ziada dikhati hey

dil bhi oobh jata hey dharkan larkharati hey
qased_e_saffar main hi hamain sehmati hey

kati patang ki terha urtaiy phirtey hain hum
dour hila hila  ker kaheen sey kaheen ley jati hey

.

kisi ki yaad ney is qadar rulaya hey..

.
meri zindagi per junoon ka saya hey
kisi ki yaad ney is qadar rulaya hey

to mera junoon hey humaisha sey
khuli ankhon sey jis ney sulaya hey

berg_e_awara ki manind urti hoon
shajr ney khizaan ka mausam bhi dikhlaya hey

kanton key sath khiltey hain gulab ager
kinara_e_darya ney dojey kinaray ko kaheen to milaya hey

ansuwon key hotey bhi naain rehtey hain piyaasey
dard_e_dil ney meri zindagi ko jagaya hey

. 

terey naam pey tilsim_e_kashish nazar ati hey chehray per..

.
tery beyrukhi maar daiy gi ik din
dil to liya hey jaan bhi laiy gi ik din

logg chand keh ker bulatey hain mujh ko
yeh chandni bhi khutum ho jai gi ik din

dil ki her dhurkun larkhara ker yaad kerti hey tujh ko
yeh bhi chupkey sey band ho jai gi ik din

terey naam pey tilsim_e_kashish nazar ati hey chehray per
yeh kashish bhi khatam ho hi jai gi ik din

ruuh ka sathi na ban saka tu meri
yeh nabz bhi ab ruk hi jai gi ik din

dil to kacha ghara hey..

.
dil to kacha ghara hey
janey is main kia khuch bhara hey

shab_e_hijran to muheet hey sadyon per
ishq to deewanon key rastey main khara hey

kanton ki ahmiyat hey gullon key sath
janey gull kis shakh sey jhara hey

ruuh aur jism ka hota hey jo rishta
jeetey howay bhi insan bey mout mera hey

.

qasad_e_saffar main hi ji ki intiha dekhtey..

.
qasad_e_saffar main hi ji ki intiha dekhtey
hasrat hi reh gai unhain hum ankh bhar key dekhtey

baawaj_e_qurbat arriz per ati jo lalli
qurbat ki hamraaz harry bharry wadiyan dekhtey

uskaiy sanson ki hiddat mehsos kertaiy chehraiy per
dilber key sath us ki dilnawaziyan dekhtey

dil jo dharakta un ki shararat bhari muskan per
hatailly per dil liyay unki ithkaliyan dekhtey

baad_e_saba key jonkhon sey urtey jo gaissu mukhrey per
sharmeeli muskan liyay unhain laat suljhatey dekhtey

.

tum sey hey kun piyaar..

.
dunya asi hey kun
hum khuch naheen pehchantey

tum sey hey kun piyaar
yeh hum naheen jantey

hum hain tum sey alag
hum to naheen mantey

tum hi khoshi ho hamari
kisi sey hum usko naheen banttaiy

teraiy bhagair kesey jiyian hum
yeh hum bilqul naheen jantey

.

judai ka waqt abhi naseeb sey gaya naheen..

.
yahan insan sey milti wafa naheen
khuda zameen sey abhi gaya naheen

barg_e_awara ki manind hoon main
hijr_o_wasl ka waqt abhi gaya naheen

qismat to kabhi bhi badla naheen kerti
hath ki lakeeron key mitney ka waqt abhi gaya naheen

zakhm_e_dil,zakhm_e_jiger khuch mailtey jultey hain
judai ka waqt naseeb sey abhi gaya naheen

umeed,bharosa koi dilasa naheen
kanton sey uljhney ka mosum abhi gaya naheen

khudaya ruuh chor bhi dey is tan ka sath
ulajhtey sans laney ka mosum abhi gaya naheen

.

terey ishq ney mushk_e_khass ker diay mujhey..

.
is ishq ney pagal ker dia mujhey
poori dunya sey beykhaber ker diya mujhey

us ka hath chooma jo khawb main
faraib_e_khawb ney nazdeek uskey aur ker diya mujhey

khawbon ka sheesh mehel rehta hey nazar main
ishq ney ab to dakhil_e_janat ker diya mujhey

junoon ki hadon ko paar ker chuki hun istereh
her chehrey ney us ka chehra dikhlana shuru ker diya mujhey

log sumujhtey hain,muskurati hoi hayaat hon main
in yadon ney mout sey qareeb tar ker diya mujhey

merey tan main basi hey teri khushbo
terey ishq ney to mushq_e_khaas ker diya mujhey

.

jis ka hath thama bhicher gaya wo..

.
usey apni  anaa ki fiqer thi
mujhey apney ishq ka khayal tha

mujhey raah_e_intizar main chor diya usney
yehi us ki baton ka husn_e_jamal tha

merey liyay wo hi sub khuch tha
uskey liyay yeh sub  ik mazak tha

usey thi apni manzilon ki khaber
meri to sari zindagi ka sawal tha

merey liyay us key pass na tha khuch
dunya key liyay jubkey wo ik haseen missal tha

jis ka hath thama bhicher gaya wo
yehi shahyad merey hath ka kamal tha

.

tum humaisha sey mairey ho..

.
jub barish gungunati hey..
dil ki her dhurkan lurkharati hey!
saba chupkey sey keh jati hey..
mana key tum merey ho
per dil sey yeh awaz ati hey..
tum humasha sey merey ho..

jub barish gungunati hey..
dil ki her dhurkan lurkharati hey!
ik ik bound terasti hey
tarepti hey aur kehti hey..
un sey kub milan ho ga..
rait key her zarey ki chamak kehti hey..
tum hamasha sey marey ho..

jub barish gungunati hey..
dil ki her dhurkan lurkharati hey!
main holey sey gungunati hon..
phir chpkey sey muskurati hon..
sajna tum jahan bhi ho merey ho..
aur sirf merey ho.

.

dewangiyey ishq liyay hum kahan tuk jain..

.
dil daghdar hey apna kis ko dikhaiyen
tum ko dhondney janaan kahan tak jain

bura hey naseeb aur taqdeer biggri hoi
dil ko sunbhaley hum kahan tak jain

fiqr_e_dunya hey na fiqr_e_akhrat mujh ko
janaan teri pyaas main hum kahan tak jain

subeh ho roshan aur chamkeli shahyad kabhi
raat key ghour andherey main kahan tak jain

dam hey labon per atka ub to
akhri sans liyay hum kahan tak jain

is nagri main to miley nahen tum
talashney tujhey asman pey hum kahan tak jain

jabeen per hain qatra_e_paseena bohut
dard bhara dil liyay hum kahan tak jain

tan man jala dia hey terey piyaar ney to
deewangi_e_ishq liyay hum kahan tak jain

.

surgoshiyan si gonjain gi kanon main..

.
wo aa jain  achanak sey to kia ho ga
dil dharak dharak ker kesey chup ho ga

bad_e_saba key jhonkon main ai gi tezi
tu wohi mera purana sanam ho ga

gaissu aain gey ur ur ker arriz per
chamakta sa merey chehrey ka gulabi rang ho ga

sargoshiyan si gonjain gi kanon main
kannon ki lou main ik lali pan ho ga

tan ki khoshbo mujh sey khuch kehti ho gi
jub to merey kareeb bohut kareeb ho ga

fasley badel jain gey qurbaton main
tanhayon main bhi mehekta sa samaan ho ga

hamarey qurb main khiley ga ik gulistan
teri dilnawazi us pey bara sitam ho ga

.

tum merey ander rehtey ho..

.
main khud ko samaiton kesey?
tum merey ander rehtey ho..
kun bikherey bikherey rehtey ho?
merey sang sang chaltey rehtey ho..
kabhi sanson main bas jatey ho..
kabhi dharkan main samatey ho..
main khud sey pouchti rehti hon.

tum kun sang sang rehtey ho?
merey sajdon main,mari namazon main
tum kun agey agey rehtey ho..
dua ban key hamasha labon pey sajtey rehtey ho..
main tum ko dhondti rehti hon !
kun mujh main samayey rehtey ho?

tum merey ander rehtey ho..
kabhi ankhon main samatey ho..
her manzer kun bun jatey ho?
aah ban ker kabhi ander uter jatey ho..
aas ban ker phir dharaas  tum ban jatey ho..

main khud ko samaiton kaisey?
tum merey ander rehtey ho..
kun bikherey bikherey rehtey ho..
tum merey ander rehtey ho..

.

dekh hasrat_e_chah main hum kahan tuk aa gaiy..

.
dekh hasrat_e_chah main hum kahan tak aa gaiy
ankh sey ansu na gira,zamaney sey takra gaiy

pather sey ho ker faana ho rahey hain
dard_e_dil key sath hum yeh kahan tuk aa gaiy

tujh sey juda ho ker jain gey kahan
quffs main phuphurati ruuh liyay hum tharra gaiy

kab kerey gi ruuh perwaz apni
isi chah main hum apni berbad zindagi bita gaiy

khush rahey tu hamasha apni dunya main
hamarey shehre_e_khamoshan main janey key din aa gaiy

niqal hi diya hey tum ney dunya sey apni humain
apna jusd_e_khaki uthwaney key waqt aa gaiy

.

asman sey zameen pey mujhey gira diya..

.
tera hukum sir ankhon per hey sanam
ik hi jhutukey main asman hila diya

bund galyon main chor diya mujh ko
asman sey mujhey zameen per gira diya

tujh ko chora hey,jina bhi chor dain gey
shukrya sanam tu ney mujhey mout sey mila diya

dil to tha hi naheen jaan bhi tujh per waar di
terey ik jumley ney tun mun mera jala diya

jeena chahain bhi to ji na sakain gey ub
ruuh ko jism sey juda tu ney ker wa diya

hukum daina tha to dunya chor janey ka daita
chalo shaher_e_khamoshan  key darban sey milwa diya

bohut nazdeek hun is shaher ki faseel key ub
jis waqt ka tha intizar us sey kareeb kerwa diya

hasrat thi wahan tuk teri banhon main jatey
jis aas main hum ney zindagi ko apni bita diya

terey guraiz ney barbad ker diya mujh ko
meri khushyun ko tu ney kabr main sula diya

.

rehti hun tery banhon key ghairay main..

.
tum aj kul kis uljhan main rehtey ho
lagta hey kisi kashmakash main rehtey ho

ayaan kerti hain tery ankhain raaz sarey
na janey kis khali makan main rehtey ho

ik baar palat ker dekho meri janib
kuin soodo ziyaan sey beykarar rehtey ho

teri raah main khari hoon rusta tuktey
phir kun qismat sey naraz sey rehtey ho

ik isharay ki muntizer hon teraiy
phir mujh sey kiun faslon pay rehtey ho

rehti hon teri banhon key ghairay main
kun phir dusht_e_tanhai main rehtey ho

.

chahat rehti hey chahat sey door..

.
dunya ney banaya hey kesa yeh dastoor
chahat rehti hey chahat sey door

hath ki lakeeron sey khuch nahen hota
muqadar rehta hey insanon sey door

naddy main pani yuqja ho to kia
kinara rehta hey kinarey sey door

chaand ka naseeb hey ulug rehna
tarey rehtay hain us sey bhi door

sumander main pani rehta hey to kia
leher rehti hey doji leher sey door

.

higr ka tara doob hi jai shahyad..

.
seh ker ghum hum muskaraiy jatey hain
bina umang hum kesey jiyay jatey hain

ansu girtey hain pulkon key band ko toor ker
saber ki humarey toheen kiyay jatey hain

tum mukader azmaney ki baat kertey ho
zindagi paheli si hum baser kiyay jatey hain

hijr ka tara doob hi jai shayad
ik sans hi zindagi ko jiyay jatey hain

rifaqaton ki haseen ruut shayad aa hi jai
zeher_e_zindagi jhoom key piyay jatey hain

maaiy peenay ka salika na aya hum ko
kurbat main teri tunha jiyay jatey hain


.

un ki awaz sun ker dil ka sukon dhondti hun..

.
deewani hun pagal supney key pechey doorti hun
andhyari gali main rooshni ka manba dhondti hun

thak gai hain kadam chultey chultey merey
weraney main mehekta gulistan dhondti hun

ruuh main basi hain dhairon wehshtain
sayahi main diyay ki lou dhondti hun

kanton ney ker diya laholahan budun ko
apney zakhmon key lyay murhum dhonti hun

dil ka durd ho gaya ub sawa
dhurkan apni rokney ka bahana dhondti hun

khali hey daman kisi bhi dalasey sey
khairat hi key chund alfaz dhondti hun

dhurkta hey dil un ki doory ka soch ker
un ki awaz sun ker dil ka sakoon dhondti hun

mer jaon to shayad un ko ho yaqeen
shehr_e_ khamoshan main khud apni jaa dhondti hun

.

judai key lumhon ko shumar keron ger..

.

beytab_e_dill apney urooj per hey
kun dil zukhmon sey chur hey

beybasi ka matam keron apni kesey
buden ub thakan sey chur hey

judai key lumhon ko shumar keron ger
khoshi ka falsafa hum sey bohut door hey

tery nazr_e_inayat hey jub sey
uks apna hi misl_e_hoor hey

mushkil hey durd_e_dil ko burdast kerna
jan_e_tamana tu ab kun mujh sey door hey

.

safeena saahil pey aa key dobey ga kia..

.
terey naam ka dil main jalta howa diya
dunya ki andhyun sey bhujey ga kia

yeh jaan to chulti terey naam peh
safeena sahil pey aa key dubey ga kia

dil ki her dhurkun hey tujhi sey
din aur raat ab budlain gey kia

zindagi tu luta hum ney tujh per
zindagi mout ki suret ho gi kia

ruuh per likha hey tera hi naam
ruuh ka jism sey ab taluk hey kia

. 

kash mera dil kaghuz ka ik tukra hota..

.
kash mera dil kaghuz ka ik tukra hota....!

jo likhna chachti likhti us per..

jo chachti mitati..

judai ki tasweer na hoti us per..

dukh ka koi chehra na  hota us per..

kash mera dil kaghuz ka ik tukra hota.....!

din main sou sou baar tukrey kerti us key..

 kerti us ko faza key hawaley..

apni beychani ko superd kerti us key..

apni dewangi kerti hawaley us key..

phir beth  key atth atth ansu roti..

kash mera dil kaghuz ka ik tukra hota.....!

bhurta jub durd sey dil to..

jatan mitaney key us ko so so kerti..

mit mit jatey sarey hurf ansuwon sey..

kash mera dil kaghuz ka ik tukra hota.....!