bab_e_ulfat key fasaney udhurey her janam nikley...

.
ishq ki galiyun key berey pach_o_kham nikley
phir howa kia,bey wafa hi bohut sanam nikley

ziker kia bhi na tha un sey dil ki adaon ka
ruh peh unki to berey gehrey zakham nikley

shehr_e_weran ki udasi ka na pocho sabab
adaiy_e_qatil rakh ker bhi wo bey rehem nikley

bawsbab_e_ulfat key fasaney udhurey her janam nikley
bab_e_ulfat key fasaney udhurey her janam nikley

.

derd e dil ki aziyat kabhi na dain gey tujh ko......

 .

dewangi_e_dil to rehti hey dukh ka sabab akser
toot key bhikhrey bhi kabhi ,sadaa na den gey tujh ko

rakhain gey dar khula ghar ka hamesha
dastak ki ijazat kabhi na dain gey tujh ko

roak lain gey ashk palkon ki noke per
daman kabhi apna bhigoney na dain gey tujh ko

kaat lain gey qaid_e_tanhai dunya main hi ham
derd e dil  ki aziyat kabhi na dain gey tujh ko.

.

ghamon sey phir gehri shanasaiyan bhi theen..

e.
tujh sey bichar ker zindagi main ruswaiyan bhi theen
zaat sey bhicherti sisakti  perchaiyan bhi theen

gunbad e zaat sey nikal ker kahan jatey
wujud sey chimti sehmi tanhaiyan bhi theen

dehektey angarey hi bachey daman main
jalti rakh main bujhi gehraiyan bhi theen

tarastey lab liyay kahan tak jatey
ghamon sey phir gheri shanasaiyan bhi theen

kanch lehjey sey uskey shanasai the,jab key
kareeb uskey bheri bazm araiyan bhi theen

.

ujalon ka zaiaqa to kabhi chakha bhi nahi....

 .

ham gum sum sey they kisi ney pucha bhi nahen
rehguzer sey jis guzrey kisi ney roka bhi nahen

sath jewan bitana to khawb tehra mera
murr ker kisi ney phir kabhi dekha bhi nahen

jitney they sitam,sab dhaa diyay us ney
gherey zakham per merham to phir rakha bhi nahen

dilasay deta ho gaya andhairon main gum
diyay ko umeed key taaq main phir rakha bhi nahen

andhairon ki adat ho gai hey mujh ko
ujalon ka zaiaqa to kabhi chakha bhi nahen

fasaney ki ibtida reh gai udhuri si
apni kahani ka anjam phir likha bhi nahen

.

kisi key janey sey zindagi men kami nahen hoti.......

.
tamanaiyan jal key khakster ho jain chahay
kisi key janey sey zindagi men kami nahen hoti

ik hi waqt nikal jain jab sarey ansu
ankhon main hamesha hi phir nami nahen hoti

gardish e ayyam chahey guzer jain choo ker
hamesha hi chehray peh gerd jami nehi hoti

oass pertey hi murjha gaiyen ashaiyen
dil ki rahguzer phir bhi shabnami nahi hoti

.

ujrey diyar ko lipat key ab rona kesa......

.
kanton bherey rastey kehkashan ker dey ga
udas ruh main taza gulab bhar dey ga

gham e zeest kia kia imtihan aur ley gi
urti rait ko rang e sailab ker dey ga

zaat sey zyada us per yaqeen hey itna
peekhi muskan ko kehkaha saz ker dey ga

ujrey diyar ko lipat key ab rona kesa
zindagi meri khushi sey hamkinar ker dey ga

.

Ehsas_e_forteen (14) August

.
yeh watan amn_o_atishi ka gehwara hota
kia hota jo yeh khawb hamara hota

firqa waryat sey her kisi ko kinara hota
kia hota jo yeh khawb hamara hota

ehdo_o_peman ki ahmiat ka andaza hota
kia hota jo yeh khawb hamara hota

qom ka her fard aala masihai ka manba hota
kia hota jo yeh khawb hamara hota

azadi_e_watan ki roshni men her soo izafa hota
kia hota jo yeh khawb hamara hota

pasdar_e_wafa ki janib her qadam berha hota
kia hota jo yeh khawb hamara hota

.