tu phool main tery khusbo janaa..

.
sans ka her sira teri sans sey jura hey janaa
main teri dharti tu asman hey janaa

teray piyar ney jagmaga diya mujh ko
tu phool main teri khusboo janaa

zindagi ki her khushi hey tujh sey
tu neel gagan main teri berkha janaa

terey piyaar ka uks hey zindagi main
main hoon chand tu meri roshni janaa

chamukti hey meri dunya tujh sey
tu angan main teri bulbul janaa

.

meri ankh ka kagal bara purana hey..

tum ko us paar sey meray lyay ana hey
mera ik yehi sapna suhana hey

tufan to ai ga ik din dekho
meri ankhon ka kagal to bera purana hey

kashti to mery bary purani hey
pyaar ka naya gharonda busana hey

namumkin ko mumkin banana sehej sehej ker
hath ki lakeeron ko naiy sirey sey banana hey

sukun_e_dil kahan sey laon momo
dil ka yeh durd to bera purana hey

.

kamli kamli kehti hey ab yeh dunya mujh ko..

.
rung dya dil main ney terey pyaar sey sajna
her jaa ghom li terey sang merey sajna

kamli kamli kehti hey ab yeh dunya mujh ko
terey dil key angun main khari hoon chup ker sajna

tu churra bhi ley daman mujh sey ager
meri sub duyain phir bhi terey sung sajna

terey pyaar ney badla hey merey chahrey ka uks
meri kamar ki lachuk terey pyaar ka user hey sajna

tujhey pujain sirf tujhey chahain zindagi bhar
beytab dil ki tamana merey yehi hey sajna

ankhyon key jharokon main tu hi suja hey
choo ker tujh ko dekhain,yehi hey khahish ub merey sajna

.

dar_o_baam sey lipti hain tery yaadain..

.
tanhai key lumhon main dil ruk na jai kahen
tujh bin dil ki busti ujer na  jai kaheen

dur_o_baam sey lipti hain tery yaadain
zindigi tujh bin bhichar na jai kaheen

nasheely ankhon main hain mujamid khawb teray
berfaab dunya mery ho na jai kaheen

pulkon ka ejaab kubol ker ley gur
phir surat_e_mahbob door na ho jai kaheen

prem sager sey juda ho ker jaon kahan
mahi_e_bey aab misl ho na jai kaheen

lazat_e_yuk khawb jo tu pehchan ley
surat_e_seemab fitrat ho na jai kaheen

.

ishq ney ker dia nikama mujhey..

.
ishq ney ker dya nikama mujhey
alam sara bhula dya mujhey

dil ki her dhurkun hey dastan_e_ishq
kia sey kia bana dya mujhey

teri her adaa ka subub bana ishq
zehr_e_katil bana dia mujhey

aur khuch to ab sojhta naheen
ustad_e_ishq bana diya mujhey

is aag ney jala diya mujh ko
soz_e_ishq ney tapa diya mujhey

sona ishq aur jagna ishq
khumar_e_ishq sikha diya mujhey

ub ishq hi ishq hey ishq hi ishq
ishq ney ker diya nikama mujhey

.

dar hey us ki di kasam toot na jai kaheen..

A.
zeest mujhey asay ajeeb mour pey lai hey
atka howa apna dum toot na jai kaheen

ki hain us ney jo karam nawazyan
dar hey us ki di kasam tout na jai kaheen

ub zabt key lumhon main usey yaad na kerna
aiy ankh tera bharam tout na jai kaheen

tum meray dil ki dunya main ub na ana
ankhon ka halqa_e_bund tout na jai kaheen

dar hey tujhey dhondney niklon kaheen
purani yadon ka khol tout na jai kaheen

.

kesey katey gi umarya sari..

.
tenha ub waqt guzurta naheen
jewan ka koi lumha surukta naheen

kesey katey gi umarya saari
tujh bin ub dil lugta naheen

ishq ka chand hey joben per
zameen key kareeb khuch lugta naheen

tu hey ruuh main samaya is terha
apna aap to dunya main lugta naheen

meri buzm main aa ker to dekh
gulshan main koi phool khilta naheen

mer jain gey tujh bin to hum
saanse ka sira tujh sey kun jurta naheen

.

yeh dil puri terha roya naheen abhi..

.
tery yaad ka mousam gaaya naheen abhi
yeh dil puri terha roya naheen abhi

tasawur main tujhey dekhtey hain apney kareeb
suhaney supnon ka mosum gaya naheen abhi

meri matai_e_ zindagi ik wo hi to hain
apni jaan sumujhney ka mosum gaya naheen abhi

gull to sirf mehektey hain chaman main
kanton sey ulujhney ka mosum gaya naheen abbhi

husrut hey pyaar key do boul kahain wo
pugdundun pey chulney mosum gaya naheen abhi

.

jeet ker bhi haar key siwa kia paaya main nai..

.
ik faqt gunah_e_muhubat kia main ney
budley us key zindagi sey kia paya main ney

wo is terha rehta tha sath sath
jeet ker bhi haar key siwa kia paya main ney

us ko dur tha zamaney ki ruswayun ka
zindagi ko apni ujaar key kia paaya main ney

dusht_e_tunhai main chor dia mujh ko
ulfaat ka sila judai key siwa kia paaya main ney

zukhum_e_judai day gaya mujhey wo
zindagi us key naam ker key kia paaya main ney

ashkon ki bursat ub thumti naheen
buzm_e_dil saja ker us sey,kia paaya main ney

.

main piyasi nadi hun..

.
piyaa tu hey saghar
main piyasi naadi hun

ik baar galey laga ley mujh ko
main ik mehekti kali hun

meri nindya,chain lota dey mujh ko
tujh sey aur main kia chahti hun

tu hey door mery
main tery kati patung hun

.

janey kun bey karar rehta hey dil..

.
turusta hey dil turupta hey dil
janey kun bey qarar rehta hey dil

ashkon ka sailaab hey rawan
teraiy hi naam per kun dhurukta hey dil

terey naam ka hey jalta dia
teri judai main kun turupta hey dil

mery shaiyri innayat hey teri
teri bey rukhi per kun sisakta hey dil

yeh nuqesh mitaey nahen mittata
teraiy ishara per kun behukta hey dil

kahan lay jaon thuka toota badan
judai key dar sey kun pighulta hey dil

.

kesey chalay aiy dil un ko pata..

.
murtay hain hum jin key lyay
kasey chalay aiy dil un ko pata

aiy dil ik din jub durd uthey
kia karun main phir us ki dawa

bata phir jaon main kahan
kia un key dil main hey meri jaga

naey din hain nai hain rahain
supney sujaey main jaon kahan

ishq ki dour ki mazbuti to dekho
chour ker ub tum jao gey kahan
.

do lufzon main shuru hamari prem kahani

.

doo lufzon main shuru humari prem kahani

tu mera raja main teray dil ki raani

aasha key deep hain dil main jagey
khutum ho gi jald dil ki weerani

supnoon ki dunya aur naey rupe
teri saadain aur sham suhani

do jism ik jaan hain hum
prem nager key basiyun ki bary piyari kahani

.

chehrey per kai cheherey saja ker

.

chehrey per kai chehrey saja ker miltay hain log
phir dunya ki bheer main kho jatey hain log

na karna yaqeen ainda kisi dil walay ka
asani sey berbad ker key nilal jatey hain log

mohubut to hey ik khubsurut dhoka
mohubut ka dhoka asani sey dey jatey hain log

dil bujh ker bhi puthur nahen hota
dil ko durd sey ashna ker key chalay jatey hain log
.

maan key anchel ney mushkilun sey butchaya

.

maan key anchel nay mushkilun say buchaya muj ko
gir gir key chalna humasha sikhaya mujh ko

fitna_e_dunya sey buchna sikhaya mujh ko
her dum naya supna banana sikhaya mujh ko

dukh ki leher nay jub mujhey tor diya
apney pechey chupa ker buchaya mujh ko

khof sey ub main bachon kis terha
andhera chor ujala kerna bataya mujh ko

aiy maan ub jeena hey muhal
dunya sey lurna kub sikhaya mujh ko

zukhmon sey ub khun risney laga hey
apnon sey door na jana,kun sumjhaya mujh ko
.

socho to badnasebiyan hain bohut

.

sakut-e-hayyat main hain talkiyan hain bohut
socho to budnasebiyan hain bohut

ai gi bahar gulshan main khabi
dekho to khushfehmiyan hain bohut

ankhon ko adaat ho bersat ki
bersat ki hain seher angaziyan bohut

diyay ki lo mudhum julti ho
lo ka kam humasha sulugna bohut

dil gur bujh jai kisi ka
bujh ker us ka pather hona bohut
.

sawan ki hey yeh kesi jhuri

.
rim jhim rim jhim phowar pari
sawan ki hey yeh kesi jhuri

muti ki yeh sondhi khushbu
jul thul jul thul kerta pani

asman ka hey rung nikhera
ujli ujli si hury bhury wadiayan

onchey onchey pahar hain kharey
purwa chali mery angnai main

qoso qazah key rung hain sarey
sawan ka hey kamal sara

hoi hey yeh sham beri suhani
rim jhim rim jhim phowar pery
.

terey dil key uthtey tofanon ki...

.
tu chup hey bohut magar khamosh nahen
teray dil key uthtay tufanon ki kia mujhey khaber nahen

teri mohabut ka suruj chumkey ga ik din
kunkey raat undhairy hey bohut per kali nahen

faraib-e-sheher ka hey mujh ko yaken
tery baton ka sahara hey per dilasa nahen

sawarey ga tu pyar sey meray mathey ki jholti lut
itamad hey is ka mujhey per yaqeen nahen
.

janaa kurbuton ka dawa nahee tujh ko

.

janaa kurbatun ka dawa nahee tujh ko
kia kia phir yaad dilaon tujh ko

munh phair ker muskuraya tha ik din
yaad dila ker kia sataon tujh ko

un kahi batian biyan kerti thi tery nazrain
apnay hi ishq ki kia kahani sunaon tujh ko

ehd-e-wafa ka gur irada na tha tera
ujrey dil ka fulsafa phir kia bataon tujh ko
.

kiya pyaar main nai kisi ajnabi key sath

.

diya gaya faraib mujhay sadgi key sath
hota raha mazak meri zindagi key sath

mili mujhey shayad saza is jurm ki
kia pyaar main ney kisi ajnabi key sath

zeher pilaya gaya mujhey kis prem sey
wah kiya gaya bura salook meri sadgi key sath

apna sumujh key hum jis key liyay ujer gaiy
kul shub hi chula gaya wo kisi ajnabi key sath
.

her shaks per tera guman rehta hay

.

teray piyar main janaa hum nay baray dhukay khayay hain
dil per hath rukh ker yahan tuk chalay aiy hain

teray tasawur main janaa zindagi guzaar di hum nay
ub deed ki piyass ankhon main liyay chalay aiy hain

her shaks per tera gumman rehta hey hum ko
teri khushbu mun main basaiy chalay ai hain

muchulti arzuwon ko poora ker day gur
apna dil hataili per liyay chalay aiy hain
.

kia kami hey mujh main

.

sabak perhaa ker ishq ka log sath dena bhol jatey hain
kia kami hey mujh main yeh batana bhool jatey hain

chaley jatey hain dour dais ki nagri phir
kissa chor fasan-e-anjam sunana bhol jatey hain

yadon key jultey deep arzuaain umungain
dukh durd chor apna dil ley jana bhol jatey hain

piyar kertey hain khud bhi mujh sey
phir yehi baat mujh ko batana bhol jatey hain

bursat ki leher ankhon main bhar ker
bukhs ker rutjagey, yadain apni lay jana bhol jatey hain
.

mohubut hey tujh ko kia mujh sey janaa

.

meri pulkon key chumuktey jugnuon ka
lugta hey tujh ko bara khayal hey

teri seher angazi ka hey asar
yeh sirf tera hi husn-e-jamal hey

dhemi muskan sey tera baat budul janaa
is main bhi tujh ko bara kamal hey

mohubut hey tujh ko kia mujh sey janaa
mera to yehi fuqt ik sawal hey

meri mohubut key uks ney budla hey rung tera
is soch sey dil bera nihal hey
.

mery shararat per tera hunsna

.

meri shararat per tera hunsna
mujhey nai zindagi ki naveed data hey

kun duer hey tu mujh sey
yeh durd dil ko bera maza deta hey

apney wajud sey mehek ati hey teri
yeh sochna arzuwun main aag laga deta hey

terey pyaar ka khumar hey asaa
apna hi turupna ik nasha deta hey

teri yadain hain char su meri janib
tera ishq barish ka maza deta hey
.

kashti jub main ney chalai

.

dil key darya main
kashti jub main nay chalai
hawa ka masroor jhonka aya
kaha yeh us nay mujh ko

choor dunya aur dunyadari
chal ker ub uper janay ki tayari
mera dil thithuk gaya hey
ub wo sumujh gaya hey
khushyan yahan nahen sari

ub to khuch ghum na ho ga
zameen ho gi aur kaffan ho ga
ap nay rub ko ub pehchana hum ney
na dunya ho gi na gham ho ga
kho apna dil chalay hain
dhundhna hum ko wahan ho ga

is jahan khuch nahen mila dosto
per koi furq nahen ai dosto
soyain gey zameen main
uthain gey asman pey dosto
kitna haseen sufar hey yeh
aisa safar kia na ho ga
.

mujhey taluqat nibhana nahen ata

.

khabon ki terha ankhon main utar jana naheen ata
main kia kerun?mujhey talukat nibhana naheen ata

ghum-e-yar key siwa is dil main rukha kia hey
mujhey khusk ankhon sey zaar zaar rona nahen ata

pichlay pehar ki bat hey tum jo yaad ai mujh ko
phool bun key unchoi kali ko khilana nahen ata

sukut-e-shub main jaag rahi hon main
masiha bun key kisi key dil main uter jana nahen ata

muskurahet chin gai hey lubon sey is terha
sur bun key mujhey dhemey say gungunana naheen ata

rug_e_jaan sey kareeb hey jo meri
dil say dil tuk pegham_e_wafa pouhchana nahen ata

batana bhi chahon apney dil ki baat us ko
far_e_b tabusum sey kisi ko behlana nahen ata
.

mujh ko rawa hey us key dar ka sujda

.

bina neend key hum sotey hain aksur
kisi apney ko khyalon main khotey hain akser

is ishq main khack ho jain gey
her zukhum alaow ka subub bunta hey akser

mujh ko rawa hey us key dar ka sujda
dil ka durd turupney ka maza deta hey akser

mathey ki bindya munzil ka pata deti hey
manzil ko pohunchna khush fehmi ka subub bunta hey akser

dewana bana key us ney thukra dya mujh ko
mehfil main tanha nazr ata hey wo akser

.