BIJLI....

24 Ghunton may faqt aik ghunta bijli ati hay
Apni chub dikhla ker apnay honay ka ahsaas dilati hay

Load shading ka andhaira chah gaya ab zindagi per
Haqomut bijli ka bahana ker k lumba bill bhijwati hay

Sochtay hain kuch na kharidain gay ab hum
Tube light aur punkhon ka khurcha bachati hay

Zindagani...........{ghazal}

Char din ka suffer hay ye zindagani
Kia suno gay tum meri kahanai

Pal do Pal hunsna bari baat hay
Dukhon ki hay yahan bari farawani

Chand per bhi to dagh hotay hain
Dukh baghair kaisi lagay gi zindagi ki kahani

Aankh khulay to sapnay tot hi jatay hain
Behas itni karo , Jitni ati hou nibhani....

Teacher....

Ankhon per bari si aenuk jamaey

Sir per gole sa jora banaey

Hathon may mota sa dunda uthaey

Ye to uks hay hamari teacher ka

History jub wo perhati hain

Ik qissay ko pachas50 duffa dohrati hain

Phir is may mirch masala berhati hain

Maths ki jub bari aaey

Hamasha musla fisah gorus perhati hain

Ghar k dhobi ka bil hum say bunwati hain

English ki tarf jub bhi dekho

Tenses may humain uljha ker

Khud american bun jati hain

Rahi urdu ki baat

Khud ko grammar say koi sirokar nahi

Humhain fail, mazi, hal rutwati hain

Computer ki tarf to dekho

Humhain keys may uljha ker

Khud games may lug jati hain

Drawing ki tarf nazar uthao

Hum say Art ka bahana ker k khud

Kupron ki designing may lug jati hain...

Suhanay Sapnay....

Suhanay sapnay , Arzo-ain, Aur Umung-ain

Ik frame may aa ker sajja jao

Frame hain yahan mehngay bohat

Ik kushkol he hathon may thama jao

---------------------------

IK SHAIR.....

----------------------------

Kash k hum ik dojay k roo-baro hotay

Kuch apni kehtay, Kuch tumhari suntay

-------------

Roo-barow...

Hum younhe umr tamam kertay hain

Ik sham phir teray nam kertay hain

Irada hay bohat jeenay ka magar

Shairi k bahanay tujhay yaad kertay hain

Dil may teri yaad liay

Phir bohat ziada hi kam kertay hain

Jo nam lay ik bar tera

Uska bohat Ahtaram kertay hain

Hum nay to khayalon may tujhay socha tha

Log muft may humain budnam kertay hain

Kash k tu roo-barow ho ik din

Is aas may subha say sham kertay hain

Ishq....

.

Aa-in say Aurat

She-in say Shadi

Qaff say Kawaneen

Aurat ki shadi k

kawaneen jo is k he hath nahi

khali hay wo kuch is k pass nahi

Ik lufz k chukkur may zindagi apni dan ki

faqt ik khail hay iski koi shan nahi

ye hay wo silsila jis ki koi zaban nahi.

.

Ajaib Khana...

.

Ye dunya hay ik ajaib khana

Yahan her dum insan biktay hain

Jhoot ka hay bol bala yahan

Shayad dunya isi ko kehtay hain

Faraibi aur mutlabi log yahan

Peeth pechay khunjur gohnpa kertay hain

Dolat mundon ka dolat kudah dekho

Muflison ko baicha kertay hain

.

Sawan...

Abhi tum sawan ka nazara ker lo

Meri do char baton per guzara ker lo

Apnay dil ka bhi butwara ker lo

Apnay ap ko pehlay humara ker lo

Phir juld dunya say kanara ker lo

Rule...

Zindagi basr kerna ik mamool hay

Taqdeer hay insan k hathon may

Ye her ik ki bari bhool hay

Zindagi guzaro huns ker hamaisha

Ye to bohat ach ik rule hay

Chore dain Log siasut ko

Sub ko sumjhana bohat fazool hay

Tanha....

Log kehtay hain keh tanha hoon mae...
Per apni hi zat may anjuman hoon mae...

Zehn o dil may rehtay hain bhaiya aur maa...
Dono say batain kerti rehti hoon mae...

Pehli barish maa k baad hoi August may...
Barish k kutron k sath mil k roti hoon mae...

Nungay paon cha-ut per bhagti jati hoon mae...
Barish k ronay ka mazak urati hoon mae...

Bhaiya k bad maa kyoon chali gai...
Ab apnay ko aziut dati hoon mae...

Eid anay per rahay ga malal...
Eid per zinda dargore ho jaon mae...

Guzray ga ab sal kaisay....?
Zindagi say dore moat k karib jati hoon mae...

Unwan....

Us ki kahani ka unwan bun-na

Hamay munzor na tha...

Jahan say chalay thay

Wahen kharay hain hum

Khuda ko shayad munzor na tha...

Dil k kurb ka kia karain

Dard utha phir sambhal gaey...

Us ki

kitab k auraq say

hamaisha k liay nikal gaey...

Taqdeer....

Kehtay hain hamaisha
Ye tuqdeer
bari ajeeb hoti hay....

Hathon ki lakiron ko dekho
Ik dosray k kareeb hoti hain....

Dil ki busti ka ujerna dekho
Ye sirf mera
naseeb hoti hain......

Mehfil...

Dil ki mehfil sajai na thi k lut gaey

Virani e dil may shama jalain kaisay

Rooh k bojh talay dub ker hum mit gaey

Apni zat ka tamasha dikhatay kis ko

Us ki nazroon ki kat say hi cut gaey

Lagain gay sal usay bhulanay may

Pashemani demagh say mitanay may jut gaey

.................................................

Bazm...

Teri bazm may aa ker udas ho ker chalay

Dil pay teri bay rukhi ka bojh lay ker chalay

Apnay aansoon say teri dehleez ko dhoo chalay

Apni rooh say teri khamoshi ko chooh ker chalay

Apni zat ka guman kudmon talay rond ker chalay

,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,

Student...

Ye bucha jo school jata hay
Kia tum ko gudha nazar ata hay

Peeth pay apni busta laday
60 degree ka angle nazar ata hay

Urdu, English aur maths
Itnay mushkil muzmoon saray
Kia tum ko wo Aflatoon nazar ata hay

Maths ki taraf nazar uthai to
Plus, Minus sub gudmud nazar ata hay

English bolna aasan phir bhi
Tenses rutna mushkil nazar ata hay

Urdu ki kitab uthai to
Shairi kisi sir phiray ki karistani nazar ati hay

Hai ye Science kis nay banai
Newton aur Edison ki lagai bujhai nazar ati hay

Ik Larki...

Dukhoon ka bojh uthae
Wafaon ki chadar uraey
Husn ki devi kehlaey
Mumta ki farawani
Juzba o isar say
Gundhi howi
Salika shuari ho
Ghuti may jiski
Nazakut aur tumkinut
Ka paikur hay
Boujho to wo
Ik "Larki" hay......

Tasveer...

Teri tasveer ko dil k aewano may sajja rukha hay
Ik aas ki dore say apnay ap ko bundha rukha hay

Isi turha jenay ko apni saza bana rukha hay
Moat to ani hay waqt per ae gi momo

Hum nay to qabr ko apni pehlay say
khudwa rukha hay

Matum kaddah

Jo tum sun sako
to ghor say suno

Meri khamoshi may
dabi aahon aur siskiyon ko suno

Tum meray pass ho to
Meray kadmon ki chap

May dabi aah o zari ko suno
Meray dil ki cheekh o pukar to suno

Ye jism ik matum kaddah hay
Jo sun sako to ghor say

Majlis e sham-e-gariban to suno.

Qalam..................{ghazal}

Hum nay ab qalam haton may utha rukha hay
Apnay naseebon ko kabr may sula rukha hay


Dil ki nagri ka ye sona pun dekho.
Siskiyon aur aahon ko dil may chupa rukha hay


Ana chaho to chalay ana phir milnay
Jism ki qaid may humnay rooh ko behla rukha hay


Hamari khushi ka raz tum na sumjho shayad
Hum nay hunsi ka ghalaf aansoon ko pehna rukha hay

Ghari...

Ghari ki tik tik per nazar tikki thi

Mae us lamhay tanha asman talay khari thi

Qadmon may meray larzish bari thi

Dil may meray aas bhari thi

Jan bulb Maa meray samnay pari thi

Phir kia hua k ghari ki tik tik ruk gai

Logon tum nay ye ghari kyoon banai

Meri maa nay jana tha , Wo to chali gai

MAA aur BHAIYA....

Piyari maa aur bhaiya kahan ap chalay gai
Kyoon mera qarar o sakoon lay ker chalay gai

Ankh khulay aur na paon ap ko
Is der say mae kum kum he soti hoon

Dhoop may khari rahti hoon rasta tuktay
Pehroon beth ker phir khoob roti hoon

Ap dono na aen gay kabhi wapis
Nungay asman tallay apnay ap ko pati hoon

Kudmon ki chap say ap uth na jain kaheen
Shaher e khamoshan may hamaisha dabay paon jati hoon

Safaid kupron may dono k chehray ka chamukna
mae apnay RUB say sirf ik aas lagati hoon

Ik din aa on gi mae apnay piyaron k pas
Ansoon k samander may apna chehra chupati hoon

Bula li jiay mujhay apnay pas juldi
Faqut is aas may her din bitati hoon

rammo tillo...

 .
Chinese si gurya lugna uska

Piyari si batain kerna uska

Angraizi fur fur bolna uska

dil ko piyar say moh laina uska

RUMMO TILLO mae nay nam rukha uska

Tumkinut say chulna phirna uska

Piyara say nam"RAMSHA" uska

.

For my SweetHONEY

Ithlati bul khati howi
Shokh o chunchul Khilkhilati howi
Gusay may jhunjulati hay wo
Zahanut say haran kerti hay wo
Shararat say sub ko cherti hay wo
Zindagi ka raz nazar ati hay wo
Mohabat mujh say kerti hay wo
Apna uks nazar ati hay wo
Meri Bhanji HONEY hay wo

Ankh k moti...

Mairay chehray ki zeenut
aanso-on ko banaya RUB nay
Meray singhar he may
koi kamih thi shayad

Meri Zaat ka hissah
ankh kay motiyon ko banaya RUB nay
Mae inhe ki chaoon may
guzaroon gi zindagi

Kismat ki mohar inko
kyoon banaya RUB nay

Zaat..

Mae unko apnay dil ka mehman na banaon gi
Logo kia mae un bin reh bhi paon gi

Per herf e shikayat labon pay na laon gi
Apni zaat ki talash may khuda tuk jaon gi

Muqudar ki siyahi badli hay na budlay gi momo
Safaid kupron may hi apni kabr tuk jaon gi

Jungle may mungle.....................(ghazal)

Jungle may mungle manatay hain
Hunsi chor, Kehkaha lagatay hain

Dukh aur ghum k pahar chor ker
Behti nadi may apna rasta banatay hain

Gur seekh lo tum ye andaz hum say
Ahsan ker k hum bhool bhi jatay hain

Zindagi RUB ka ahsan hay, ye soch ker
Hum hamaisha fit fatt nazar attay hain

Phool...

Chahaey to phoolon ka
har bana lo....
Ya phir inhain
kanoh may saja lo....

Bari chah say
mohabat ka unwan bana lo....
Maze per apni
bara guldusta saja lo....

Akhir may inhain
apnay piyaron ki kabr
ki zinut bana lo....
Ye he ahmiat hay phoolon ki
apnay demagh may bitha lo....

Wo ik rishta....

Wo jo ik rishta mujh say chen gaya
Ik saya meray sir say uth gaya

Nungay asman tullay khari hoon
Uskay gudaz hatoon ka lums chote gaya

Bay paya si husti bani phirti hoon mae
Uski ik raat ka qurz chukaya na gaya

Ae khuda meray kis gunnah ki saza hay
Zindagi bher uska kurb paya na gaya

Meri zindagi bojh hay mujh per
Maa ka jusday khaki meray ghar say uttaya gaya

Hawwa..

Ye kaisey zamanay may hawwa chulli
Meray murjha-ey dil ki kali khili.....

Kahani say bunnay lagay apnay afsanay
Apnay howay mujh say bayganay....

Ab to wo howay meray dewanay
Chalay apnay jal may mujhay phasanay..

Mae karongi unkay demagh thekanay
Dhondtay hain mujh say milnay k bahanay

Perhty hoon mae bohat shukranay

HUM KADAM....

Tu hum kadam ho to
zameen asman aik ho jain...
asman say taray
tot ker bikher jain.....

Jo tu kahay to
suj sanwer jain...
Teri sanson may
Khushboo ki terha bus jain...

Jo tu kahay to
teray dil ki dherkan bun jain...
teri ankhon may
khawab ki trah tehher jain...

Wafa bun k teri rooh may uter jain

Naya Zamana................(ghazal)

                                               Insanon ki ik dojay say dooryan to dekho

Nayai zamanay main rishton ki pamalyan to dekho

Khood ko behlanay kai zaryai hain bohut

Funkaron ki khuli ankhon say funkaryan to dekho

Farebi aur mutlabi hain ab log yahan

Hud say burhi hoi moj mustyan to dekho

Ikhlaq o zawabit to sirf nam ko hain yahan

Purhajom dunya main dilon ki weranyan to dekho

'''''''''''''''''''''''''''''''''''''''''''''''''''''''''''''

Mojain…

Pani ki mojon main tasalsul nazar ata hay

Kareeb jao ger apna hi chehra nazr ata hay

Kunker phainko to mojon main intishar nazar ata hay

Mojon ka bigurna rub ka jalal nazar ata hay

Sumandar ko dekho to khuda ka shahkar nazr ata hay

''''''''''''''''''''''''''''''''''''''''''''''''''''''''''''''''''''

Dukh…

Dukh ki bhuti main tup ker kunden ban-na hum say sekhiyay

Wafa kia hoti hay yeh a ker hum say sekhiyay

Zulm seh ker turapna kis ko kehtey hain

Khoshyan bant ker khosh rehna koi hum say sekhiyay

Gharon say dhokay kha ker jeena kia hota hay

Ghumon ko bhula ker zinda rehna koi hum say sekhiyay


teeron ki bharmar may bhi zinda hain ham

Shehr e khamoshan main jaa ki tamana kerna koi hum say sekhiyay

                                                  

                                                   ''''''''''''''''''''''''''''''''''''''''''''''''''''''''''''''''''''''''''''''''

Kala coat.....&12 May......

Kala coat.....

Kala coat pehan ker jhoot ko such banaya

Pullut di seedhay case ki kaya

Mujrim per hay un ki chaya

Dallilon ko apni lumbi jaib may paya

Seena thonk ker judge ko apna muddah sunaya

“Waqeel “ kehlah ker apna mustuqbil banaya

''''''''''''''''''''''''''''''''''''''''''''''''''''''''''''''''''''''''''

12 May......

Lashay cut cut k giray aisay

Maydan e kerbala ho jaisay

Her ghar may safay matum bisch gai aisay

Hasan Hussain aj hi duniya say gai jaisay

Ye kaisa suman bundh gaya hay

Asghar ki bud-dua lug gai ho jaisay

Bibi Fatima ka subr kia kehna

Apnay kermon ka phal paya ho jaisay


''''''''''''''''''''''''''''''''''''''''''''''''''''''''''''''

Kushkole........&Wabalay jan….

Kushkole........


Unke nazr e inayat

meray dil ki wiraniyoon may

kami ka sabab bani.

Meray kushkole may

do jugmagatay sikkay

ye keh rahay hain.

Mae kitni ameer hoon,

In sikkoon ko

un k hatoon nay

chooa to ho ga.

'''''''''''''''''''''''''''''''''''''''''''''''''''''''''''''''''''''''''


Wabalay jan….


Her ghum wabalay jan bun gaya

ye zeest per kis ka pehra hay

Her shaks shanasa bun gaya

Itnay dukh hain meri jholi may

Sagger say gadagur bun gaya



'''''''''''''''''''''''''''''''''''''''''''''''''''''

Abla pai…..

Zindagi ki pur khar rahon main tapta sehra dekha

Lambi musafat main gurd say ata chehra dekha

Abla pai main pair howay laho lahan meray

Ik chehray pay kai chehron ko saja dekha

Her shaks hay hatoon main sung uthaey

Apnay ghar main insanon ka khala dekha

Pur hajom dunya main tanha hon main

Shikast main apni ,dil ka maza dekha

Bhigi palkon say hay raaz e dil ayan

Dil ka kirchi hona apni saza dekha

Ghum seh ker bani sukht chatan hon main

Ankhon say apna hi alam e nazaa dekha

''''''''''''''''''''''''''''''''''''''''''''''''''''''''''''''''

Kisa e ulffat....................................

Tum ko kisa e ulffat sunain kia

Tum ko acha shair sunain kia

Ik pekar e naz hay khyalon main

Dunya ka tam jham batain kia

Apni kismat toti photi hi sahi

Rub ko ilzam lagain kia

Tum ko kisa e ulffat sunain kia

Tum ko acha shair sunain kia

Apni shairy hay izhar ka zarya

Kalum ko khon main daboyan kia

Dil kay bund durwazay ger khol doon

Naqamya e mohubat sunain kia

Tum ko kisa e ulffat sunain kia

Tum ko acha shair sunain kia

Apni shikast ko muskura ker seh jain

Dil kay daag tum ko dikhain kia

Baharain kub hum ko sada dati hain

Apni kham khyali tum ko batain kya

Tum ko kisa e ulffat sunain kia

Tum ko acha shair sunain kia

Umr kay akri pehar main hum naveed suntay hain

Apni khosh fehmi ka raaz tum ko batain kia

Yeh soch ker jaan say guzer jain gay

Apnay mehboob ka pata tum ko batain kia

Tum ko kisa e ulffat sunain kia

Tum ko acha shair sunain kia

Muqadar ki syahi badli hay na badlay gi

Shikasta dili apni tum ko batain kia

Khali ayay thay khali chalay jain gay

Apna pehron chup ker rona tum ko batain kia

Tum ko kisa e ulffat sunain kia

Tum ko acha shair sunain kia



''''''''''''''''''''''''''''''''''''''''''''''''''''''''''''

Jughansai,,,,,,,,,,,,,,,,,,,,,,,,,,,,,,,,,,,

Yunhi bersabil e tazkara main nay un ka zikr kia

Khob jughansai hoi main muft main budnam howa

Abhi sung e bunyad na rukha tha key imarat deh gai

Yunhi ishq o ashqi ka khail tamam howa

Na nam latay un ka na banatay supnon ka mehal

Meray answon ka durya ab saylab howa

Na jam pya na koi pyam dya piyamber ko

Mera fasana to aghaz say pehlay hi anjam howa

Meray jazbat o arman ko aag lug gai

Kisi ki nasehat na suni akhir kutbay per hi nam howa

''''''''''''''''''''''''''''''''''''''''''''''''''''''''''''''''''''''''''''''''''''''''

Zamana.....

Hum to wo hain jo zamanay say takra jain

Un key waday pey dunya chor jain

Fareb e wafa main itnay situm na dhao

Rah e talab ko hi apni bhol jain

Shama na sahi ik dya hi jala do

Jism kia chese hay hum roh ko chor jain

Gur jo tum tabasum ki bijliyan girao

Gurha choro khai say guzr jain

'''''''''''''''''''''''''''''''''''''''''''''''''''''''''''''''''

Herjai

Sari batain achi hain meray herjai ki

Kia khob meri jug hansai ki

Budnam hongay to kia nam na ho ga

Yehi soch ker main nay guzara kia

Wo nazr andaz kertay hain yehi sahi

Main motarif hon un ki kuj adai ki

Wo na milay to yehi zindagi hey

Kia un bin main reh paon gi

Wo behropiay hain yehi soch ker

Main nay un kay raz ki pardadari ki

'''''''''''''''''''''''''''''''''''''''''''''''''''''''''''''''''''''

Katib e taqder

                                          Sur say sur ko mila ligyay

 

Katib e taqder ko bula ligyay

Humain kanton say na mariay

Muskurshat hi kafi hay behlanay key lyay

Pulo to rukha e zeba say huta ligyay

Gul to kafi hain surhanay key lyay

Hum to lasha e taqder hain

Kandhon pey apnay utha ligyay

Humain nigahon say kutl na kigyay

Manon muti chahiay dufnanay key liay

''''''''''''''''''''''''''''''''''''''''''''''''''''''''''''''''''''''''

Rukht e safar ........& Jis din hum ye soch bethay.........

Rukhta e safar


Jub insan nay rukhta e safar bandh lya

Manon miti talay phir ja soay ga

Tamam umr na phir wo nazr ayi ga

Asay dais main wo kho jai ga

Phir sath na khuch jai ga

Mal o mata yahen reh jai ga

Chund guz kaffan ka tukra sath ho ga

Janat main khuda ka her shaidai ho ga



''''''''''''''''''''''''''''''''''''''''''''''''''''''''



Jis din hum yeh soch bethay……




Jis din hum yeh soch bethay

Apni jan say hath dho bethay

Un ki ankhon main apni shabeh ko dekha

Paimanay say jam ko chaluktay dekha

Jis din hum yeh soch bethay

Apni jan say hath dho bethay

Kitni haqiqat hay un ki baton main

Yeh to waqt hi humain batai ga

Jis din hum yeh soch bethay

Apni jan say hath dho bethay



'''''''''''''''''''''''''''''''''''''''''''''''''''''''''''''''''''''

Shajr...................& Ap nay kaha to hota...

Shajr

Samnay ik shajr tanha khara tha

Guzernay ko rasta lumba para tha

Pugdundian aur pather rah main aey bohut

Asman pey mugger kohra bera tha

Tohfa un ki deed ka milay ga soch ker

Pairon ka laholahan hona sehna pera tha

Gunahon ka bar uthatay rahay kandhon per

Janat na mili per dozukh ka milna bara tha

''''''''''''''''''''''''''''''''''''''''''''''''''''''''''''''''

Aap nay kha to hota……

Aap nay kha to hota…..

Hum to zeher ko bhi turyak bana detay

Dil kia chese hay jan say guzer jatay

Gur aap ki jaa koi aur hota

Hum nay kus key tamacha dya hota

Aap nay kha to hota……

Afsos yeh kaisi zaban bundi hay

Yahan achi cheze ki hi mundi hay

Bhao apnay dil ka tum berhatay

Budlay main hum sona chandi lay atay

Aap nay kaha to hota……

'''''''''''''''''''''''''''''''''''''''''''''''''''''''''''''

jism main gur DIL na hota...................& Khamoshi................

jism main fur DIL na hota...................

Insani jism main ger “dil” na hota

Jazbaton ka karobar na hota

Koi kisi say door na hota

Her koi apnay hi ghum dhota

Layla mujnon ka kisi ko pata na hota

Insani jism main ger “dil” na hota

Ankhon main ansowon ka rela na hota

Kismat say kisi ko shikwa na hota

Zan, zer,zameen ka fiqer na hota

Dunya main phir koi katl na hota

Insani jism main ger “dil” na hota

Jazbaton ka karobar na hota

'''''''''''''''''''''''''''''''''''''''''''''''''''''''''''

Khamoshi.....

Un ki ankon say jam chaluktay dekha

Kitni khamoshi hay meri chahat main

Her zakham say laho ko apnay behtay dekha

Her ahaut pey un kay anay ka guman hota hay

Rah main apni kanton ko bitchtay dekha

Ruh ko zamanay main taraptay dekha

Wo humsafar hotay to kitna acha hota

Ghum ko apni zeest ki sage per dekha

''''''''''''''''''''''''''''''''''''''''''''''''''''''''''''''''''''''

101 Bemariyan....

Hum raha kertay hain COOL

Asani say bana kertay hain FOOL

Wo daikhtay hain hamaray FACE ko

Hum kaisay sambhalin is CASE ko

Humain TENSION na de jiay

Galay say EARLY laga lijiay

Hamara B.P berh jai ga

SUGER na hoi GURDA FAIL ho jai ga

HEADACHE ki bemari nahi magar

BRAIN TUMOR ho jai ga

HEPATITIS ki alamat nazr anay lagi hain

FALIJ na howa to MIRGI sath lay jai ga

Ana....&Gumman.....&Waqeel.......

Ana…

Ap apni ana ko aziz rukhtay hain

Hum apni wafa ko kareeb rukhtay hain.

Ap ki jaffa ka alam kia kehna.

Hum hi ap k khatakar tehray.

Phir bhi apna rakeeb rukhtay hain.

''''''''''''''''''''''''''''''''''''''''''''''''''''''''''''''''''''

Gumman…

Mujh ko ye gumman hota hay

Her ik ka apna naseeb hota hay

Apnay muqadar ki sayahi ko

Khush mizaji say hum mitatay rahay

Dukh may bhi muskuratay rahay

Aaina e zeest bhi dhundula hi raha

Gurdab may hum chukratay rahay

'''''''''''''''''''''''''''''''''''''''''''''''''''''''''''''''''''''''

Waqeel…

Waqeelon nay de hai duhai

Awam ki hay rooh jagai

Awan e sadder ki bunyad hilayi

Shaoor ki ghutti sub ko pilai

Establishment ki hay shamat ai

'''''''''''''''''''''''''''''''''''''''''''''''''''''''

Zakham.....&Kafl.....

Zakham....

Zakham day ker rulatay kyoon ho

Dheemay dheemay muskuratay kyoon ho

Phir mera der khatkhatatay kyoon ho

Faslay dermian berhatay kyoon ho

Dil mera lubhatay kyoon ho

Ye meri kismat hay momo

Yad itna atay kyoon ho

'''''''''''''''''''''''''''''''''''''''''''''''''''''''''''''''

Kafl..

Karwan lut na jai kaheen

Qafla ruk na jai kaheen

Aaina e dil dhundhula na jai kaheen

Kafl e lub khul na jai kaheen

Zeest ki sham ho na jai kaheen

'''''''''''''''''''''''''''''''''''''''''''''''''''''''''''

Qocha e yaar...................(ghazal)

Qocha e yaar....

Na jaen gay qocha e yar main

ab hum nay soch liya hay

Mila jo dur na khutkhatain gay

ab hum nay soch liya hay

Na sunain gay fasana e dil kisi ko 

ab hum nay soch liya hay

Na khaein gay hum pay rehum

ab hum nay soch liya hay

Na milay ga dil ko sakoon

ab hum nay soch liya hay

Cutay gi umer isi terha

ab hum nay soch liay hay

Bus jain gay shahr e khamoshan main ik din

ab hum nay soch liya hay

''''''''''''''''''''''''''''''''''''''''''''''''''''''''''''''''''''''''

Pyaray bhai aur ami k nam…

Wo jo humaray dilon per rajj kertay thay

Apni anmol muhabat say humay bhigoya kertay thay

Fasana e dil kisay sunaian hikayat unhen sunaya kertay thay

Reh gai bat dil main ghum un kay sath bhulaya kertay thay

Dukh hay ab humaray sath wo jo dukh main bhi muskaraya kertay thay

Rulaya zindagi nay humain wo thanhayon main gul khilaya kertay tahy



''''''''''''''''''''''''''''''''''''''''''''''''''''''''''''''''''''''''''''''''''''''

Mehngai...

Hakumat ka her wada yahan wahan ho gaya

Atta ,cheeni ,tale bohut mehnga ho gya

Maheenay ka budget suker ker do tihai ho gya

Guzray ga sal kasai status symbol ab minus ho gya

Sham ho ya sehar ab to her so andhaira ho gya

Petrol ko lagi aag ab to ameer bhi gunja ho gya

Koi jena chahay ya na chahay ab merna asan ho gya



''''''''''''''''''''''''''''''''''''''''''''''''''''''''''''''''''''''

Kitto…

Kitto kitto si lagti hay wo

Itra itra ker chalti hay wo

Mujh say mohabat kerti hay wo

Kitni piyari lagti hay wo

Bari bari batain kerti hay wo

Dil k kareeb lagti hay wo

Masoom adaien dikhati hay wo

Dhemay say muskurati hay wo

Meri Bhanji Urooba hay wo


'''''''''''''''''''''''''''''''''''''''''''''''''''''''''''''''''''

Zindagi….

Ye zindagi bari ajeeb hay

Yahan her koi bara ghareeb hay

Her ik dosray say bara khateeb hay

Samjho to dilon ka silsila kareeb hay

Achanuk maray to bunda kehlata shaheed hay

Achay Amal per janut us ka naseeb hay

Ye Zindagi bari ajeeb hay

'''''''''''''''''''''''''''''''''''''''''''''''''''''''''''''''''''''''

Kabr....

Yahan hain tanhaiyan aur khamoshian

Hijr k hain silsilay aur falsafay

Zindagi may ek ghar to mushkil say milta hay

Kabr k kutbay per aasani say apna nam milta hay


'''''''''''''''''''''''''''''''''''''''''''''''''''''''''''''''''''''''''

Kaffan...

Chand gaz kaffan ka tukra

Lagta hay bay wazan sa

Dudhiya hay rangat us ki

Kerlo apnay ap ko badamli say khali

Hamaisha sona apna naseeb hay

Sirf kapray ka tukra hi apna nickla

''''''''''''''''''''''''''''''''''''''''''''''''''''''''''''''''''''''''

Doctor (special write up for Dr.Abbas)

Yeh jo koft mujhay hoi hay

Doctor k mixture say allergy hoi hay

Goli abhi tuk galay may atki hoi hay

Oxygen mujhay lagi hoi hay

Pate durd ki matching gurday say hoi hay

Ye sub doctor ki kar_i_gary hay

Sub tekh tha per sans ukhri hoi hay

Gayi thai sir durd k liay

Sub practice hum per hoi hay…


'''''''''''''''''''''''''''''''''''''''''''''''''''''''''''''''''''''

Dil........

Dil…

Ye dil aur us ki ajab hiqayutain

Rehti hain us ko hum say shikaytain

Chupa hay un ka nam aur un ki inayatain

Nanha sa hay per us bari aftain

''''''''''''''''''''''''''''''''''''''''''''''''''

Maa.......& Saiban......

Maa….


Us kay lums ki khushboo

Laboon ki thur tharahut

Apni Sanson may

Tanha ratoon may

Uska muqudus chehra

Dil k iwan may nasab hay

Wo Meri Maa hay



'''''''''''''''''''''''''''''''''''''''''''''''''''''''''''''''''


Saiban…..

Mera saiban bhi chein gaya

Qafla bhi ruk gaya

Itni sungbari na karo mujh per

Mera ghar bhi Mera na raha

Qudrat ka tha Wo ek pal ka faisla

Meri husti ka toNishan tuk na raha


''''''''''''''''''''''''''''''''''''''''''''''''''''''''''''''''''''''

Masihai.....&Raz e Zindagi....

Masihai...

Dilon k dukh ajeeb hotay hain

Ye her ek ka naseeb hotay hain

Masihai ka kertay hain jo dawa

Aksar zakhum ko chae-re daitay hain



'''''''''''''''''''''''''''''''''''''''''''''''''''''''


Raz-e-Zindagi

Kehnay ko hai ye raz-e-zindagi

Luft uttaeye aur muskura lijeyae

Aina e tagaful hay koi uttaey howay

Tu Mathaey say paseena poch lejeay

Umr e rufta ko gar koi awaz day

Dukh ka hath jhatuk dejay

Jawan rahna her ek ki pasand thehra

Burhapa oper na aanay dejay


'''''''''''''''''''''''''''''''''''''''''''''''''''''''

Bay-Kali & Maa...

                 Bay-Kali  

Ek bay-kali si meray dil may hay

Ek udh-kali si meray chaman may hay

Ye meri zindagi per kis ka pehra hay

Kaboon k nagar may sirf usi ka chehra hay



''''''''''''''''''''''''''''''''''''''''''''''''''''''''''



Maa.....

Meray Rub nay usay bulaya hay

Jis k kudmoon may junut ko bechahya hay

Jis nay goad may apni mujhay gehri neend sulaya hay

''''''''''''''''''''''''''''''''''''''''''''''''''''''''''''''

Bhai k Baad...

Bhai say juld milainge

Ami nay ye he soch ker

zindagi ko guzara hay

Juldi thi janay ki,

ye na socha

un k bad

kon humara hay

''''''''''''''''''''''''''''''''''''''''''''''''''''''''''''

Ashar

Umr ab tamam hui, Akhri parao hay yaro
Meray dil k makeen ko pakar ker lao yaro

'''''''''''''''''''''''''''''''''''''''''''''''''''

Teri Yaad may baray aanso bahai hum nay janah
Dhokhay teri furqat may bhi khae hum nay janah

''''''''''''''''''''''''''''''''''''''''''''''''''''

Teri deed ki umeed per to zindagi ko guzara hay
Sahil hay kareeb per dore to ab bhi kinara hay

''''''''''''''''''''''''''''''''''''''''''''''''''''''

Anso’on nay meray daman ko bhegoya hay
Ye meri kismet k mae nay tujh ko khoya hay

''''''''''''''''''''''''''''''''''''''''''''''''''''''''''''

Ishq k chakar may log rah say bhatak jatay hain
Dandy kha ker baray baray bhi sambhul jatay hain

'''''''''''''''''''''''''''''''''''''''''''''''''''''''''''