chand ko choney ki tamana............

chand ko choney ki tamana to her ik ko hoti hey

na miley wo kisi ko ye aur bat hoti hey

asey zakhum ki tese bury anmol hoti hey

gul ko paney ki tumana tu her ik ko hoti hey

na miley khusbo kisi ko ye aur bat hoti hey

gulon ki ehmyut to sher_e_khamoshan main hoti hey

mehbob ko paney ki tamana to her ik ko hoti hey

na miley wo kisi ko ye aur bat hoti hey

dilon key milney ki reet dunya main kub hoti hey


.................................................................

tutey koi tara to...............

tutey koi tara to
tujhey mang lun gi

urtey huvey badal ki terha
asman ko chom lun gi

dil main bury umungain lyay
sara jhan main ghom lun gi

durd burhey jo dil ka
rusta nya dhond lun gi

.......................................

ashaar...........

us ki zaat ka durd suma gya hey meri zaat main
pehley hi lut chuki thi,ub to fana ho gai main

...................x................................

tera aur mera ghum mushtariq hey shyud
mujh ko yad nahen kon hon main

........................x.............................

meri zindagi ki sham ho na jai kahen
ub to lot ao meray dil key makeen

........................x.............................
dil ki viranyon main ik but sajaya tha
kareb ja key dekha wo to puthur ki chaya tha

.........................x...................................

teri beyatnayon sumait aziz hey tu mujh ko
shayud key main terey paron ki dhool bhi naheen

.......................x................................

jhilmilata pani..................(ghazal)

us ki ankhon ka jhilmilata pani
suna raha hey mujh ko anokhi kahani

main kesay yeh us ko batoun
burhapey key baad ati nahen wapis jawani

wo chahta hey jungle main phool ugana
tay ker raha hey musafut bury anjani

us key lubon ki muskan kho na jai khahen
nahen chahti main dikhana us ko rah suhani

us key lehjey ka dukh bolney laga hey mujh main
kub khutum ho gi us ki zaat ki yeh werani

praim nugur ki wadyon main kub kho gya wo
meri aur us ki dosti thi buri hi purani

saghar.................(ghazal)

pal main ankhon ka saghar chalak jata hey
janey kun her mour per dil bher ata hey

chamaktey tarey ko dekh ker dua ki ham ney
soch ker yeh,aisey her ik ka jewan sanwar jata hey

kali ghaton key sayi hain charon janib
umeed ka jagta suraj ubharta nazar ata hey

zameen per rakhey kadum mazbut lagtey hain ham ko
per her lamha rait key zarey ki terha phisalta nazar ata hey

arzuwon key deep jaltey hain aj bhi dil main
per diyae ki lau ka timtimana nazar ata hey


................................................................

december...........

lo a gaya december ka maheena
duer chala gaya hum sey paseena

thithurney luga hey chand bhi ub to
yeh maheena hey saal mey ik nageena

kuhra phaila hey ub to duer taluk
nai saal ka lugta hey yeh zeena

khutum ho raha hey yeh saal ub to
paar lugey ga is saal ka safeena


,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,

kun reh jati hain......................

dil ki batain dil hi main kun reh jati hain
jin ko batana chahen unhi sey chupi kun reh jati hain

chupana chahen apni zaat ko saat perdon main
raakh main chuphi chingaryan kun reh jati hain

hans ker bhulana chahen gur gham_e_dil ko
dil ki galyun main khamosyan kun reh jati hain

samjhana chahen ger apni baat kisi ko
dermyan main phir ghalatfehmyan kun reh jati hain

behlana chahen apney aap ko khushfehmiun sey
ruh main dabi siskyaan kun reh jati hain

zakhum ko apney dil key bhurna bhi chahen
jism main chubhi kirchiyan phir kun reh jati hain





,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,

zakhum jub gehra hey...........................

preetum ney praim ki preet jagai kesi
dil main ik nai aas jagai kesi


waqt laga hi deyga ub murhum
zakhum jub gehra hey to dawai kesi


teri janib nazur thi ik saharey key liyay
meray dil ko to ney choat lagai kesi


sukun_e_hayat ki talash main jain kidhur
zukhum_e_ishq mila hey phir ghum ki bhurpai kesi



,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,

waraq waraq apni dastan.............

waraq waraq apni dastan suna key roain gey
dastan_e_hayat apny kis kis ko sunain gey

ley jain kahan tota thaka badan
kisa_e_ulfut suna key kis ko lubhain gey

likhey jo khat tujhey khun_e_dil main dabo ker
ab humain zindagi bher wo darain gey

terey sath ki tamana ki thi ham ney
tanhai key din ab akser hamain satain gey



,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,

yeh rishtey kachey dhagey sey.....................................

mera iman tha
ap key rishtey hi ap key
leyay sub khuch
hotey hain
per yeh kia howa
apney beron ka saya
jub sir sey chala jata hey
haqiqut rishton ki samney ai
chan ki awaz ai !!!!!!!!!!!!!!!!
main thora sa ghabrai !!!!!!!!!
khuch ney sabit kya mujh ko dewana

zunjeer asani sey toot gai
kismut mujh sey rooth gai
kasay rishtey,khan key rishtey
matlabi aur farabi rishtey
aah dil sey uthti hey.......
awaz yeh ati hey

yeh rishtay kachey dhagey sey...................

toot jatey hain
hum sey rooth jatey hain
tuptey sehra ki pyas ki manind
yeh rishtey kachey dhagey sey
ik jhutka hi kafi hey
kesi napaidari hey
buchna aei logo !!!!!!!!
yeh rooh to ub pyasi hey

yeh rishtey kachey dhagey sey...........

yeh beynam si khamoshyun
aur udasyan
meray jewun ka muqudur hain

yeh rishtay kachey dhagey sey................


,,,,,,,,,,,,,,,,,,,,,,,,,,,,,,,,,,,,,,,,,,,,,,,,,

budla jo mousum........................

budla jo mosum
puri dunya budul gai

buri tulkh hey hijr ki kafiyut
saey ki surut budul gai

pyar kia tha jis sey
phir wo morut badul gai

ibtidai_e_sufur pey they
phir us ki zarurut badul gai


,,,,,,,,,,,,,,,,,,,,,,,,,,,,,,,,,,,,,,,,,

shayud main hi na sumujh saki........................

dhoka dena teri fitrut main tha
shayud main hi na sumujh saki

tu ney to libada aisa orha tha
shayud main hi na sumujh saki

haqiqutain kitni tulkh hoti hain
shayud main hi na sumujh saki

is rah pey to jigur khon ho jata hey
shayud main hi na sumujh saki

bey faiz mohubuton sey hasil nahen khuch
shayud main hi na sumujh saki


,,,,,,,,,,,,,,,,,,,,,,,,,,,,,,,,,,,,,,,

wo rehta hey sheshay key ghur main..........................

wo rehta hey sheshy key ghur main
maarney ki pathur phir ijazut nahen daita

mohubut main deta hey khasara mujh ko
kerney phir mujhey shikayut nahen daita

zeher undail dya hey meri rooh main
sehney phir apni inayut nahen daita

dastan_e_hayat ujer gai hey ub apni
kerney phir mujhey malamut nahen daita

daar per lutukney main nahen aar mujhey ub
uda kerney mujhey phir sakhawut nahen daita



,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,

terpatey ho mujhey.......................

terpatey ho mujhey aur
roney bhi nahen datey

khuli ankhon sey mujhey phir
soney bhi nahen datey

teeron ka rukh kertey ho meri janib phir
chubhoney bhi nahen datey

ker dya meri dunya ko weeran jungle phir
khoney bhi nahen datey

wajud ho gya hey lash_e_taqdeer apna phir
dhoney bhi nahen datey


,,,,,,,,,,,,,,,,,,,,,,,,,,,,,,,,,,,,,,,,,,,,,,,,

ab kidher jain gey.......................

ham junun key marey hain

ab kidher jain gey

sada teri na ai to

ab kidhur jain gey

dukhon key marey hain ham

ab kidhur jain gey

barsat ki jaga ley li ansowon ney

ab kidhur jain gey

khon_e_dil sey likha hey un ka nam

ab kidher jain gey

panah na di zamaney ney to

ab kidher jain gey

fareb_e_yaar sey mar kha gai hum to

ab kidher jain gey


,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,

hasrat_e_zindagi......................

wo meri zaat ki takmeel kerey
yehi hasrat_e_zindagi hey meri

us key hathon main dum nikley
yehi shertay_e_zindagi hey meri

mery kaber key katbey per us ka nam ho
yehi nusratay_e_zindagi hey meri



,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,

sad shuker..........................

insan ki hain ajab hiqayatain
rab sey rehti hain usko shikayatain

apney tangi_e_daman ki taraf nazar ker
rab sey mili hain us ko beri fazilutain

ger chalay wo pak nabi key rastey per
na kerni perain gi us ko zehmatain

pull sirat bhi ker ley ga paar asani sey
yaad rakhni perain gi us ko yeh haqiqutain



,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,

kis qumash ka.......................

kis qumash ka tha wo admi
durd dey ker wo chala gya

qandeel thumai hath main
undheray dey ker wo chala gya

qanutiyaat chai rehti hey mizaj pur
pheki muskan dey ker wo chala gya

kafs main pharpharatey hain is terha
zindon main murda bana ker wo chala gya

.

tu khan sey aya hey...........................

tu khan sey aya hey
yeh faqt mera ik sawal tha

tu ney lay lya dil per
mujhey is ka bura mulal tha

bat kerni ati na thi mujhey
per tujhey is main bura kamal tha

doryan burdashat nahen tujhey
baqol terey tera yeh haal tha

raat guzurti hey taray gintey
yeh sirf tera asr_e_jamal tha

nazur lug gai humari praim kahani ko
ub her turuf budtareen zawal tha




,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,

qittey....................

ik din perhi hum ney kitab pyar ki
tehreer thi jis main bohut khumar ki
lohar ki qismut ho gai ik din sunar ki
warq warq per likhi then batain dular ki



,,,,,,,,,,,,,,,,,,,,,,,,,,,,,,,,,,,,x,,,,,,,,,,,,,,,,,,,,,,,,,,,,,,,,,,,



sir_e_buzm ai aur ro ker chalay
jam_e_mey bohut phir pi ker chalay
seher angazyon ney funa ker dya humain
faraib_e_tabasum mey a ker bikher ker chalay



,,,,,,,,,,,,,,,,,,,,,,,,,,,,,,,,,,,,,,,,,x,,,,,,,,,,,,,,,,,,,,,,,,,,,,,,,,,,,

sawali...............

teray dur ka sawaly hon keh ker
tamam umer wo munata raha mujhey


ibtida kerain lumbi musafut ki
tamam umer wo sikhata raha mujhey


mehekti hoi kali ho chaman ki, keh ker
tamam umer wo jatata raha mujhey


tum meri munzil nahen,phir keh ker
tamam umer wo bhugata raha mujhey




,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,

chooney ki jisarut ki us ney...................

mera dil to natawan tha
phir churaney ki kun shararut us ney


budla jo rukh hawa ka
meri lutt ko choney ki jisarut ki us ney


tum na ao gi meray hath
mujh sey meri hi shikayut ki us ney


sawal ka jawab na lya aur
zindagi sey nikul ker bury himaqut ki us ney



,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,

khud ko azmana chahti hoon............

main khud ko azmana chahti hoon
dil sey teri tasweer mitana chahti hoon


tera iqrar_e_wafa mujh ko kheanch laya door tuk
julta dyya dil sey bhujana chahti hoon



jitney rung bhukshey tu ney meri zaat ko
sub rung mitana chahti hoon



teray pyar ney chalaya mujhey kis dugur per
dukh main bhi bohut muskurana chahti hoon



,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,

sanum bohut pyar kertay hain............

milain gey to tum ko batain gey hum

kitney beykarar hain sunain gey tum ko hum

sunum bohut pyar kertay hain tum ko hum

kasay guzarey hain hum ney tumharey bin din

bohut jald tum ko yeh batain gey hum

sunum bohut pyar kertay hain tum ko hum

pul guray bun key sudyan hum pur

tujh bin kesay soey,zaror yeh batain gey hum

sunum bohut pyar kertay hain tum ko hum

dil khol ker kasay dikhain tum ko

sarey razon sey purda uthain gey hum

sunum bohut pyar kertay hain tum ko hum


,,,,,,,,,,,,,,,,,,,,,,,,,,,,,,,,,,,,,,,

hath ki lakeeron sey nikul gya..............

hath ki lakeeron sey tu aisey nikul gaya

do kudum chali main aur pair phisul gaya

chot laga ker tu tau asay chala gaya

chalta rusta,samney meray jasay ruk gaya

seedhay rustey ko pugdundi tu bana gaya

meri kismut ko jasay tala laga gaya

sukon ko meray gharut tu ker gaya

bey sakuni ko naseeb mera bana gaya

chaltay chaltay phir bheer main tu kho gaya


,,,,,,,,,,,,,,,,,,,,,,,,,,,,,,,,,,,,,,,

udhori chahut..............

teri udhori chahut ko galey lagaya hum ney

jub say aj tuk us ko nibhaya hum ney

teri aas main kisi sey hath na milaya hum ney

bey wafa ka khitab sun ker bhi wafa ko nibhaya hum ney

bheegi palkon ko bhi na aj tuk sukhaya hum ney

teri laperwahi ko phir seenay say lagaya hum ney

munzil ko samney dekh ker bhi ankhon ko churaya hum ney

teray khawbon sey apni zindagi ko jugmugaya hum ney


,,,,,,,,,,,,,,,,,,,,,,,,,,,,,,,,,,,,,,

dil ney ab rasta takna........................

dil ney ab rasta takna chor diya hey

apney ap ko tanhai ki mehfil sey jor dya hey

sirf teri muskurahut ki khatir jeena chor dya hey

armanon ko sula ker sapney bunna chor dya hey

dil ney ab rasta takna chor diya hey

teri deed ki khatir palkain jhapakna chor dya hey

tujh sey milan ki khatir bohutun sey milna chor dia hey

dil ney ab rasta takna chor diya hey


,,,,,,,,,,,,,,,,,,,,,,,,,,,,,,,,,,,

jewun key din tanha.............

meri rooh main chubhey kantey tujhey pukarain
jewun key din tanha kasay guzarain hum


apney zehen key tasawur ko hum kasay nikharain
jewun key din tanha kasay guzarain hum


hum apni zindagi karusta kasay sudharain
jewun key din tanha kasay guzarain hum






,,,,,,,,,,,,,,,,,,,,,,,,,,,,,,,,,,,,,,,,

teray pyyar ney.............

teray pyyar ney nikhar dya mujhay
zindagi sey door moat say humkinar kia mujhay

teray lehjey ki khunuk yaad hey mujh ko
bolney ka huner sikha dya mujhey

mera rothna aur tera manana kis kam ka
teray khyal ney chatan bana dya mujhey

ub to ansowon ko penay ki adut si ho gai
teri pukar ney sumundur bana dya mujhey

main bhutuk na jaon kisi aur rustey pur
hawaon ney is khyal say galay laga lya mujhey


,,,,,,,,,,,,,,,,,,,,,,,,,,,,,,,,,,,,,,,,,,,,

munjanib_e_ suffur...................

main munjanib_e_suffur hoon
abhi hijr ki musafaton main hon

her taruf kathanyan hain rahon main
main apni hi zaat key fakher main hoon

meri rah per na chalna logon
main buri halatey zaar main hoon

ghuror aur ghumund ney tor dya mujhey
kadyon ki tarha seap main bund hon main

mera chulbula pun khan kho gya
ub to sirf dharti_e_khak hon main

meri iztarabi kafyat ka na pocho
akhri manzil ki taruf rawan dawan hon main

dum niklay to niklay kis terha mera
us key uthey hathon key intizar main hon main

mohubbet aur hijr ka phulsufa na sumujh a saka mujhey
per us key sath ki talash main hoon main


,,,,,,,,,,,,,,,,,,,,,,,,,,,,,,,,,,,,,,,,,,,,

qittay.......................

fiqr_o_faqa bhi khoob hey aj kul
na milay daal,na milay kahen cheeni
achi hakomut ka nara lugatay hain khud
soney key bhao bik rahi hey cheeni

..............x...............

na milay cheeni aur load shading ka saylab ho
insan beybusi ka jaam pi ker hi reh jai ga
kaffan say bhi phir ho jai gi chuti uski
khudkush bum dhamaka hi bus kam ker jai ga

.............x..................

khulay phir rahey hain her teruf shaitan
awam key masayil khabi hul na hon gey
insanyut key jamay main hakoomut ho rahi hey
ab her taruf khudkush bum dhamakey hi hon gay

..............x................

bachey humara mustaqbil,jawan humara ameen
insanon ki smugling hoti hey yahan
un dekhi unjani munzil ki turuf rawan dawan
ub khudkush bum dhumakon ki kami nahen yahan

.............x.............

shair


kulb ki kafiut hum kisi ko bata nahen suktey
ansowun ka sumundur kisi ko dikha nahen saktey

.............x............

jatey jatey wo mujh pey ehsan ker gya.............

jatey jatey wo mujh pey ehsan ker gya.............
kis siley main apni yadain mujhey dey gya wo

kocha kocha kerya kerya bhutuk rahi hoon main
saye ki sorut main apna aks mujhey dey gya wo

supnon ki kirchyan chubhnay lagi hain ankhon main
apni turup kun sirf mujhey dey gya wo

dunya basaney ki kun ki main nay arzoo
beytabi apni zaat ki kasay mujhey dey gya wo

bund derwazey ki chabi ley gya wo mujh say
rasta dhondney ka phir hukum mujhey dey gya wo

jatey jatey wo mujh pey ehsan ker gya..........
kis siley main apni yadain mujhey dey gya wo

na pooch...............

na pooch...............

meri ankhon ka sona pun

aur meray dil ki weerani

na pooch...............

meray rutjagon ka alum

aur meri zaat ka ujra pun

na pooch...............

meray ujray khawbon ki kahani

meri bheegi pulkon ka subub

na pooch...............

us kay janay key baad..............

us key janay key baad khayal ayya

kash us ko kabhi sada detay

butt bun key reh gai hain

ub kis kis ko saza detay

us key janay key baad khayal ayya

teray naqsh_e_paa ko dekhtay rahey

teray aks ko dhondtay hi rahey

kon hey jis ko wafa detay

us key janay key baad khayal ayya

rishton pey jumi gurd..............

rishton pey jumi gurd jub us nay hatai
guzra waqt yaad ayya aur ankh bhur ai

kertay thay jub hum furqat ki batain
mujh tuk ati thin teray hath soghatain

rishton pey jumi gurd jub us nay hatai
guzra waqt yaad ayya aur ankh bhur ai

guzer gai hain beach main bey shumar sudyan
bhool gai thay shayud tum humari gulyaan

rishton pey jumi gurd jub us nay hatai
guzra waqt yaad ayya aur ankh bhur ai

burson pehlay jo nata tha to nay jora
phir tanha mujhay kun asani say chora

rishton pey jumi gurd jub us nay hatai
guzra waqt yaad ayya aur ankh bhur ai

patt jhur...............

patt jhur ka mousum jub ata hey
dil ka sukoon janay kun chala jata hey

patta jub lehra ker zameen per gir jata hey
shayud us ka waqt hi khatum ho jata hey

kasi bay wuqati hey us key naseeb main
asman ko choo ker jald zameen tuk a jata hey

tanhai hey shayud us ka naseeb
jhurmut say alag ho ker tanha reh jata hey

kasay bikhertay hain pattay fiza main idher udher
meri tanhai ka shayud un ko khyal ata hey



,,,,,,,,,,,,,,,,,,,,,,,,,,,,,,,,,,,,

maussum............

surdyon ka maussum aya hey
mongphulyon ki soghat laya hey

punkhey honay lagay hain bund
geezur on kerwaya hey

sweter nikalo sub apnay
kupron nay bura wazun burhaya hey

lotion ho gai mehngay bohut
lo ye kia azab aya hey



,,,,,,,,,,,,,,,,,,,,,,,,,,,,

mayyat..............

mayyat peh meri wo pursa denay ai hain
kitni haseen sham hey,wo mujhay rawana kernay ai hain


khawhish thi wo apnay hathon say sajain mujhay
per wo to ik riwayat pori kernay aain hain

irada na tha terk_e_taluk key bad jeenay ka mugur
sochain gey ki humain,wo sirf yadain taaza kerney ai hain

socha tha kaffan pehnain gey un key nam ka
per wo to sirf ansoo humaray nam kernay ain hain


,,,,,,,,,,,,,,,,,,,,,,,,,,,,,,,,,,,,,,

preetum...........

dilon ko ujar datay hain zamanay walay
yeh kesi zamanay ki reet hey


us ka aur mera taal mail na howa
phir kun us key nam ka dil main ik geet hey


rehem ata nahen unko kabhi humarey haal per
humarey preetum ki kesi yeh preet hey

nam us ko beywafa ka hum dey jain gay
ab to yehi humari jeet hey



,,,,,,,,,,,,,,,,,,,,,,,,,,,,,,,

khizaan............

jub bhi khizaan ati hay
umeed hhoti hay bahar ai gi


hamari zindagi main naya payam lai gi
umeedain hon gi jawan sapnay sajai gi


roshan hon gay sawaray undharay ko lay jai gi
weeran_e_ay dil main nya gul khilai gi



,,,,,,,,,,,,,,,,,,,,,,,,,,,,,,,,,,,,,

Hath ki lakeerain......................

hath ki lakeron main bund hoti hain taqdeerain
insan budul lata hey tudbeer say humaisha taqdeerain


per mera mannana hey,esa nahen hota
attal hoti hain insan key hath ki lakeerain



khushi aur ghum ka milun rehta hey humaisha
tasawur main rehti hain humaisha khushi ki tasweerain



,,,,,,,,,,,,,,,,,,,,,,,,,,,,,,,,,,,,,,,,,,,

ANJUMAN......................

apni hi zaat main anjuman hoon main
hijr ki talkhyon say waqif hoon main



rahi hoon haqiqat janti hoon is munzil ki
hawaon main jholon,is say khayif hoon main



junut main kabhi jahanum ko gur dekhti hoon
ghur main rehnay walay insanon say tayib hoon main

kia mera yeh sapna hey..................?

teray uks main apna chehra dekhon
kia hain umungain sub ko bata doon
tera hath thamay door tuk chaloon
kia mera yeh sapna hey..........

teray jazbon ki tapish meray chehray ko lou day
teri zaat key andur main apnay ap ko dhondoon
mitnay na doon teray naqsh_e_pa ko
kia mera yeh sapna hey..........

meri sanson ki dour say
bundha ho teri sanson ka rishta
her khawhish ki inteha too ho
kia mera yeh sapna hey..........

khawb dekhon main khuli ankhon say
takmeel ho un ki teray iradon say
kia mera yeh sapna hey..........

burhai too apna hath meri janib
teri humrahi main guzrey meri zindagi
kia mera yeh sapna hey..........

KAGHUZ KI KASHTI.................

jo kashti main ne kaghaz ki banai thi
uri lehron ke sung sahil pey ai thi
ba asani kaha tha us nay mujh se
zara phir say wohi kashti bana dana.........

jo kashti main ne kaghaz ki banai thi
wo kashti taiz tur tofan main tooti
meri her arzoo meri khushi roothi
zara phir say wohi kashti bana dana.........

jo kashti main ne kaghaz ki banai thi
kinaron ko nahen malum gehrai
jahan sahil wahen lehron ki tanhai
zara phir say wohi kashti bana dana.........

jo kashti main ney kaghaz ki banai thi

DOSTI................

dosti ik payidar rishta hey
sumjho to buri suchai ka rishta hey



iski bareki ko jo sumujh saka hey
dosti ki sarisht main wafa ko rukha hey


jis ko mila zindagi main behtaren dost
her ghum say wo muqabla ker sakta hey

Nazuk...............

beray nazuk doar say guzer rahay hain hum
sukon ki talash main awara bhutuk rahey hain hum


zindagi main chahey khosyan hon ya ghum
moat say humkinar hon,khyal yeh jhutuk rahey hain hum


apnay fislon kay khoklay pun ka ahsas hey
sans a rahi hey phir, qun daar per lutuk rahey hain hum


azmaish ki ghari ka taluk kya naseeb say
manzil na mil saki gur,ab khutuk rahey hain hum



,,,,,,,,,,,,,,,,,,,,,,,,,,,,,,,,,,,,,,,,

Jhonka............

ik din milain gay us say,socha hey
khawb to humaisha ik khobsurat dhoka hey


wo hath apna berhai ga,hum seh na pain gay
na janay us ko hum say milnay say kis nay roka hey


dil to pyasa hey pyasa hi reh jai ga
zindagi main apni wo to thundi hawa ka jhonka hey


,,,,,,,,,,,,,,,,,,,,,,,,,,,,,,,,,,,,,,,,,

Sath............

Hum mil ker sub sath rahen
dil nay ki hain humaisha yeh khawhishain

socha asaan ho jain gi munzilain
khawb bun key reh gain yi husratain

her taruf kasi hain yi sazishain
burhti ja rahi hain bohutrunjishain

burhana chahen hum nay ulfatain
per qaim rahain gi shayed yi uljhanain



,,,,,,,,,,,,,,,,,,,,,,,,,,,,,,,,,,,,,,,,,,,

FARYAAD..........

Zakhum dil pey bohut uthai hain
dhokay her shaks say khai hain


faryaad kerain kis kis say bhala
naseeb apna hum sath lai hain


pelkon ki nok pey tikay hain ansoo
taqdeer nay humaisha hi zulm dhai hain


,,,,,,,,,,,,,,,,,,,,,,,,,,,,,,,,,,,,,,,,

Paheli.........

yeh zindagi to ik mela hay
yahan her koi mugar akaila hay


bojh na paya koi is paheli ko
zindagi nay yeh kaisa phir khail khela hey

katib_e_ taqdeer nay likhi taqdeer kaisi
yahan to bus sub khuch ik jhumaila hey

dekho gur asman say zameen talak
anhaira muger ab her soo phela hey


''''''''''''''''''''''''''''''''''''

Gurdish_e_ayyam

gurdish_e_ayyam to choo na sakey mujhay kisi terha
khuch apnon ki kurum nawazyon nay loota hey is terha

uran say pehlay hi perindey key per kut gai is terha
zindagi chor,moat ki tamana ki hey jis terha

aah meray dil say nikal ker asman ko choti hey is terha
jaan bulb insan ka dum nikla ho jis terha

kismat per cha gya hey undhara her soo is terha
kali ghataon nay meenh bursaya ho jis terha

rooh main chubhay kantay boltay hain is tarah
sogawar hon lehed main peray murday jis terha



.........................................

DUNYA

DUNYA KAY NASH_E_ABO FARAZ HUM KIA JANAIN
AKALAY AI THAY PER KARWAN NAIMLUT GAYE

UN KAY ANAY SAY PEHLAY SUB KHUCH TEKH THA
SAHI_U_DIMAGH THAY PER DOR_E_ JUNUN MAIN LUT GAYE

MEHFOOZ TASAWUR KERTAY THAY APNI ZINDAGI KO
FASELAIN UNCHEN KI PER APNAY HI GHAR MAIN LUT GAYE

DIL KAY IZTARAB MAIN HOTI NAHEN KAMI AB
NA POCHO LOGO APNI HI SADGI MAIN HUM LUT GAYE

ILZAM

YEH JO NAYA ILZAM MUJH PER LAGA HAY
MERI KONSI NAKI KA SILA HAY

DONDHNAY NIKLAY THAY SAKOON_E_ HAYAT
JAHAN DEKHO FAR_E_BAY TABBUSUM MILA HAY

TU NAY JO BICHAI HAY SHATRUNJ KI BISAT
MUJHAY TO APNI HI ZAAT SAY AB GILA HAY

TERAY DHOKAY NAY DI HAY WO TARAP
ZAKHAM APNA,APNAY HI LAHO SAY DHULA HAY

PANAY CHALAY THAY ISHQ KI MANZIL
MALOOM HOWA KEY ASHQI KIA BALA HAY

SAADGI.........................

SAADGI.....


MUSAFIR HAIN ZUKHMON SAY DERTAY HAIN
HER IK KI KURUN NAWAZYON SAY DERTAY HAIN


HAL_E_DIL APNA SUNAIN KIS KO
SHER BHUR KI UDASYON SAY DERTAY HAIN


JIAIAN TO JIAIAN KISTERHA DUNYA MAIN
APNI HI KOTAHIUN SAY DERTAY HAIN


TAWEEL HAY MUSAFAT,DIL NAZUK BOHUT
WAQT KI NAZAKATON SAY DERTAY HAIN


MULZIM NA THAY PER PHIR BHI MUJRIM BUN GAI
GHAIRON KI FAYAZIUN SAY DERTAY HAIN


SADGI TEHRI AKHIR KAR GUNAH HUMAIRA
AB APNON KI MOHABATON SAY DERTAY HAIN


..............................

munaajat

DUNYA KAY FITNAY SAY YARUB BACHA LAY MUJH KO
JULD HI APNAY SEENAY SAY LAGA LAY MUJH KO

KHATA KAR HOON YARUB CHUPA LAY MUJH KO
ADAB-E-QURANI YAAD KARADAY MUJH KO

NUSKH-E-QEMYA YARUB SUMJA DAY MUJH KO
SIRAT-E- MUSTAQEM PAY CHALNA SIKHA DAY MUJH KO

DUKHON KI BHUTI MAIN KUNDUN BUNA DAY MUJH KO
IJZO INKASARI KA NAMONA BUNA DAY MUJH KO



.................................

NAAT.......................

MAIN HOON IS NAGRI KI DHOOL
BEH RAHA HAY MATHAY SAY PASINA BHI UB
KAY PYA HAY MAIN NAY JAMAY RASOOL
MAIN HOON IS NAGRI KI DHOOL

MAIN HOON IS NAGRI KI DHOOL
THAM LOON MAIN ROZAY KI JALI
KAY MAIN HOON SAYILAY RASOOL
MAIN HOON IS NAGRI KI DHOOL

MAIN HOON IS NAGRI KI DHOOL
MIT JAON UN KAY NUQSHAY PAA PAY MAIN
KAY MAIN HOON MAYILAY RASOOL
MAIN HOON IS NAGRI KI DHOOL

MAIN HOON IS NAGRI KI DHOOL
KHARI HOON UN KAY DUR PAY MAIN
KAY MAIN HOON KAYILAY RASOOL
MAIN HOON IS NAGRI KI DHOOL


.......................

HAMD (ALLAH KO JANA HEY)

APNI NAQAMYON SAY APNAY ALLAH KO JANA HAY
APNI KHAMYON SAY APNAY ALLAH KO JANA HAY

ROZAO IBADAAT KI EHMIAT KO SUMUJH KER
ZIKRO AZKAR KI MEHFIL SAY APNAY ALLAH KO JANA HAY

KISMATON KI DOOR HAY RUB KAY HATH MAIN
KHABON KAY BIKHER JANAY SAY APNAY ALLAH KO JANA HAY

ASAR-E-QYAMUT NAZAR ATAY HAIN HER JAA
DUNYA KI BAY SABATI SAY APNAY ALLAH KO JANA HAY

AYATEY QURANI KA VIRD RAKHO JARYO SARI
ROH-O-QULB KAY BUDAL JANAY SAY APNAY ALLAH KO JANA HAY

HAMD (MAIN DUKHYARI..)

MAIN DUKHYARI DUKHON KA SUBUB DHONDTI HOON
SARI MEEEHFILON MAIN APNA HI RUB DHONDTI HOON


GUNAH-O-GUFTAR PEH APNI LAGA REHTA HAY DHURKA
KHATA KER KAY KHATA KA SUBUB DHONDTI HOON


SHATAN BUNA PHIRTA HAY HER INSAN YAHAN
KHUDA KAY GHAR MAIN APNI PANAH DHONDTI HON


NAFS PAY LAGA KAY PABUNDYAN APNAY
PAK-EY-ROOH KA MUZA DHONDTI HOON


LAGA KAY LAU APNAY PYARAY RUB SAY
TURK-E-DUNYA KI SUDA DHONDTI HOON


POHNCHON ROZZ-E-Y RASOOL PER JALD APNAY
DURUD PERH KER NABI KI SHAFAT DHONDTI HOON

TRAFIC..................................

TRAFIC.............

YEH HAY ROSHNION KA SHER KARACHI
YAHAN TRAFIC KA BARA AZDAHAM HAY

YAHAN KAN PARI AWAZ SUNAI DATI NAHEN
JAHAN DEKHO TRAFIC BARA HI JAM HAY

LAL,HARI AUR PELI BATI KA KOI MUTLUB NAHEN
TRAFIC KANSTABLE KA PAISAY KO HUMAISHA SALAM HAY

GARION KI LUMBI KATARAIN HAIN YAHAN
NAHEN IS DUNYA MAIN AB INSAN KA KOI KAM HAY

TOR JAI JO TRAFIC KAY USOLON KO
HAY US KA YAHAN YO BARA HI NAM HAY

SOCHA MASA-E-LAY TRAFIC KHUTUM HO JAI AB
PER YAHAN INSAN KA HI KAM TAMAM HAY


...................................

ASHAAR

• 
  TIFLAY MUKTUB HUN ABHI IS BUZM MAIN
  RAWANI AYI GI MAHO SAAL GUZERTA GUZERTAY
  

• BUNJARAY HOTAY TO HUM DOOR DAIS NIKAL JATAY
  PANI MILAY NA MILAY ANSU APNAY HI LABON SAY PI JATAY
  

• DUKHON KI ZYATI NAY BURHA DYA RUH KA BOJH YARAB
  TUM SIRF ISHARA KERTAY,HUM TO DUNYA SAYCHALAY JATAY

• SUKUN KAY KHUCH LAMHAY KHOJTI HOON MAIN APNI ZAAT KAY LYAY
  WAQTEY AKHIR LAMBI MUSAFAT MANGTI HOON MAIN APNI MAAT KEY LIAY

• IS TAAL PEY TO PURI DUNYA THERAKTI HAY LOGO
  NANNY TAAL MAIN TO BARI DUNYA REHTI HAY LOGO
  

• TAKYAY MAIN MUNH CHUPA KER HUM BOHUT ROTAY THAY
  AKSAR JUB BHI HUM UN SAY KHAFA HOTAY THAY
  　
  
• AINA UN KO DIKHAYA YO BURA MAAN GAI
  HUM UN KI HAQIQAT BHAYA AB TO JAAN GAI
  

• GHAFIL THAY KHUSLATON SAY UNKI,APNI SADGI KAY SABUB
  SAHIL PAY KHURAY KHURAY HI SUMUNDER MAIN HUM DOOB GAI
  

UMANG

GERDISHEY AYAM TO CHO NA SAKAY MUJHAY KISI TERHA
KHUCH APNON KI KERUM NAWAZYON NAY LOOTA MUJHAY

URAN SAY PEHLAY HI PARINDAY KAY PER KUT GAI IS TERHA
ZINDAGI CHOR,MOAT KI TAMNA KI HAY JIS TERHA

AAH MERAY DIL SAY NIKAL KER ASMAN KO CHOTI HAY IS TERHA
JAN BULB INSAN KA DUM NIKLA HO JIS TERHA

KISMAT PER CHA GYA HEY ANDHERA HER SOO IS TERHA
KALI GHATON NAY MENH BURSAYA HO JIS TERHA

ROAH MAIN CHUBHAYKANTAY BOLTAY HAIN IS TERHA
SOGAWAR HON LAHED MAIN PERAY MURDAY JIS TERHA

ZEHAR

TERI BATON KA ZEHR ROOH SAY NIKLA HI NAHEN
ZINDAGI MAIN MERI SAWARA KHABI PHILA HI NAHEN

TERAY LAFZON KI KAT NAY MAR DALA HUMAIN
DIL KAY ANGAN MAIN AB TO KISI KA DAIRA NAHEN

RISHTON KI DOAR KO KHAINCH KER TOR DYA TU NAY
LAGTA HEY DUNYA MAIN AB TO KOI BHI MERA NAHEN

DIL KI TOTI KIRCHYAN LAY KER KAHAN JAIN HUM
APNON NAY MUJH SAY KOI ACHA KHAIL KHALA NAHEN
　

RISHTAY

RISHTAY HUMASHA DUSA KERTAY HAIN SANP KI TARHA
APNAY HI DIL PEY WAR KYA KERTAY HAIN

NA KERNA BHAROSA KISI APNAY PEY KHABI
PYAR KA DHOKA DAY KER LOOT LYA KERTAY HAIN

ROOH KAY ZUKHUM BHURA KERTAY NAHEN KABHI
CHAR DIN ROA KER HUM SABR KER LYA KERTAY HAIN

CHEHRON PER LAGA RUKHAY HAIN NAQAB SABHI NAY
JHANSA DAY KER GURHAY MAIN DHUKAIL DYA KERTAY HAIN

DAMAN KO TAAR TAAR KERTAY HAIN ISTERHA
ZINDAGI LAY KER MOT SAY KAREEB KIA KERTAY HAIN

NAQAB

CHERON SAY NAQAB KUN SERAK JATAY HAIN
PUL HI MAIN LOG BOHUT BUDAL JATAY HAIN

SUDYAN LUGTI HAIN INSAN KO PEHCHANNAY MAIN
SARAY GUZRAY HOWAY LUMHAT MINTON MAIN HAWA HO JATAY HAIN

JIN KAY ZIKHMON KA MADAWA KERTAY HAIN HUM
PETH PECHAY KHUNJER GHOMP KER ZINDAGI SAY NIKAL JATAY HAIN

HUM TO PEHLAY HI LAHO LAHAN HIA APNAY LAHO SAY
SUNG PHIR BHI HUMAIN MAR KER HUNSTAY HI JATAY HAIN

KISI KO BAYSAKON KER KAY SUKON MILTA HAY KAISAY
ISI FULSAFAY KO SOCH KER DURD LAY KER JIAY JATAY HAIN

TAMAM UMER APNI NADANYON SAY GANWA DI HUM NAY
KUF-E-AFSOS SAY APNAY HATH MUL KER ROAY JATAY HAIN

KHUDA MAAF RUKHAY LOGON KI ZUBAN KI TAIZI SAY
RUB KAY GHUR ASANI SAY JANAY KA APNAY HISAB LAGAI JATAY HAIN

JIN KAY SUFAID JHOTON KO APNA EMAN BUNA RUKHA THA
PAON TALAY SAY APNAY ZAMEN KO SURKATAY DEKHTAY JATAY HAIN

APNAY AP KO AAG MAIN JALTA DEKH KER BHI
UN KI KHOSHI KAY LYAY RUB SAY DUWA KIAY JATAY HAIN

UMER KI NAQDI AB KHUTUM SUMAJHTAY HAIN HUM LOGO
NARAWAI KA DUKH SEENAY PAY LYAY DUNYA SAY HUM JATAY HAIN

DERWAISH

UMER GUZURTI HAY TO DURWAISH BUNTA HAY INSAN
JEENAY KA FUN ATA HO TO JI LATA HAY INSAN

DUKHON AUR TAKLEEF KAY THUPARAY SHE KER BHI
ANSUWON KO HANSI KAY GHILAF MAIN CHUPA LATA HAY INSAN

ZAMANO MAKAN KI KAID MAIN REH KER BHI
FAQIRI CHOR KER SHAHANSHA BANA PHIRTA HAY INSAN

SILSALA-E- HASBO NASAB PER MAAN RUKHTAY HOWAY
SAWAB CHOR GUNAH KER KAY ITRATA REHTA HAY INSAN

PANI KAY BULBULAY KI TERHA HAY ZINDAGI,SUMUJH KER YEH
DUNYA KO APNI MANZIL SUMUJH KER BHAGTA PHIRTA HAY INSAN

KUBER KI WEHSHUT AUR ANDHAIRON KO BHOOL KER
KHAKI ZAMEEN PER MAGHROOR BANA PHIRTA HAY INSAN

FARAIB-E-TABBASUM

koocha koocha kurya kurya tugh ko dhondtay hi rahay
sumander hay samnay phir bhi tashna hi rahay

agahi kay dur jo wa honay lagay
tu raha samnay phir bhi muchultay hi rahay

unwan na tha pur silsila chalta hi raha
faraib-e-tabbasum main hum behtay hi rahay

dunya main jo pul sirat par ki hum nay
teray kurb ki tamana mian turuptay hi rahay

SITARA

door ufaq per ik sitara timtima raha tha
mustyon main jhom sara jahan raha tha

dua meri arsh say takra kay ati rahi
sukon meri zindagi say ab ja raha tha

dil phutnay laga hay dukhon kay bojh say
zindagi say ab itbar uthta ja raha tha

sanson ki door kamzor hay kitni
ankhon ka noor kum hota ja raha tha

bicher gai hoon main........................

Apni hi zaat say bichar rahi hoon main
ye na socho kia keh rahi hoon main

muhabat kerna her ik ki zalim ada tehra
socho ye kun ker keh rahi hoon main

silsalai rozoshub ka raz jano agar
sukone kulb dhond rahi hoon main

katilon ko khoon bahatey dekha hum nay
katl-e- insanyat ka subab dhond rahi hoon main